1. Нүд сайтай, ажигч гярхай: *малд нүдтэй (мал зүсэлж танихдаа сайн, гярхай) - Гэвч нам засаг дэлгэрэнгүй...нүдтэй хойно мэдэж л байгаа байлгүй гэж бодно. Ч.Чимид. Хавар намар., нүдтэй болгох (а. Ажигч гярхай болгох; б. Ухаалаг болгох) - Ядуу хүү Сүхээг гололгүй шавиар авч номын ертөнцөд төөрөхгүй нүдтэй болгож өгсөн ачит хүн юм. Л.Түдэв. Алтан гадас чигийг заана., усан нүдтэй, цусан зүрхтэй (эгэл жирийн, энгийн хүн гэсэн санаа) - Над шиг усан нүдтэй, цусан зүрхтэй амьтан нэхий дээлийн цаана юу нуугдаж байгааг яаж сэдэх билээ. Ч.Лодойдамба. Тунгалаг Тамир;