ГАВЬЯА

Улс нийгмийн үйл хэргийн төлөө чармайн зүтгэж бүтээсэн туст үйл - Монголын ард түмний аугаа их амжилт нь нөхөр дэлгэрэнгүй...Д.Сүхбаатарын тухай дуртгалууд., гавьяа байгуулах (төр засаг олон түмэнд үнэлэгдэм ажил үйл бүтээх)-Одоо л тэд гавьяа байгуулах эсэхээ үзэх болж. П. Лувсанцэрэн. Нар шингээгүй., гавьяа олгох (бүтээсэн туст үйлийг нь төр үнэлэн шагнал хүртээх), гавьяаны амралт (өндөр насны тэтгэвэрт гарах), хөдөлмөрийн гавьяаны улаан тугийн одон (хөдөлмөрийн онцгой амжилт гаргасан хүнд олгох төрийн одон) - Ц.Мөнх гуай, Чойжгоо хоёр маань төрийн дээд шагнал “хөдөлмөрийн гавьяаны улаан тугийн одон” хүртэв. Д. Төрбат. Чандманийн түлхүүр., онцгой гавьяа (онцгой сайн үйлс, хүчин зүтгэл), хүндтэй гавьяа (хүндтэй үйлс) - Хойчийн шинэ ертөнцөд хүндтэй гавьяа байгуулна ... ... До. Цэнджав. Баабаризм ба нигилизм., эрхэм гавьяа (эрхэм үйлс, хийж бүтээсэн зүйл) - Ай даа, улсынхаа энэ сайхан ажилд гар бие оролцохоос илүү эрхэм гавьяа одоо үеийн залуу хүнд байхгүй юм байх аа!. С. Бадраа. Улаанбаатар минь сайн байна уу., гавьяа зүтгэл [хоршоо] (үнэлэн сайшаамаар хүч хөдөлмөр, идэвх чармайлт), - Үхээнц ноёд цэргийн гавьяа зүтгэлийг талаар болгожээ. Б.Ринчен. Үүрийн туяа., гавьяа тус [хоршоо] (онцгой тус) - Чингисийн бие хол ойрын гавьяа тусыг байцаажээ. Монголын зан аалийн ойлбор., гавьяа шагнал [хоршоо] (төр засгаас хүртээсэн хүндэтгэл, соёрхол) - Алдар цол, гавьяа шагнал хүртэхээрээ боллоо. Д. Намсрай. Тооройн төгөл., гавьяа эрдэм [хоршоо] (гарамгай эрдэм) - Цаг эцэстэл үр ач дэлгэрч гавьяа эрдмийн хойноос хөөлгөж явна. В.Инжаннаши. Хөх судар., алдар гавьяа [хоршоо] (олонд түгсэн нэр хүнд болон хийж бүтээсэн сайн үйлс) - Ажил үйл бүтэмжтэй, алдар гавьяа өндөр болсон хэдий ч түүнд эхийн жаргал заяасангүй. П. Пүрэвсүрэн. Одод наадах ус., ач гавьяа [хоршоо] (гавьяа зүтгэл), гавьяа нэрийг гуйгаад олдоггүй, гаслан зовлонг түлхээд зайлдаггүй [зүйр цэцэн үг] (хэрэг явдал хүний санаснаар болдоггүй гэсэн санаа), гавьяа цолыг олъё гэвэл ганц сэтгэлээр чармай [зүйр цэцэн үг] (хүн цөхрөлтгүй чармайвал бүтэхгүй үйл байхгүй гэсэн санаа).

гавьяа байгуулах төр засаг олон түмэнд үнэлэгдэм ажил үйл бүтээх
гавьяа олгох бүтээсэн туст үйлийг нь төр үнэлэн шагнал хүртээх
гавьяаны амралт өндөр насны тэтгэвэрт гарах
хөдөлмөрийн гавьяаны улаан тугийн одон хөдөлмөрийн онцгой амжилт гаргасан хүнд олгох төрийн одон
онцгой гавьяа онцгой сайн үйлс, хүчин зүтгэл
хүндтэй гавьяа хүндтэй үйлс
эрхэм гавьяа эрхэм үйлс, хийж бүтээсэн зүйл
гавьяа зүтгэл үнэлэн сайшаамаар хүч хөдөлмөр, идэвх чармайлт
гавьяа тус онцгой тус
гавьяа шагнал төр засгаас хүртээсэн хүндэтгэл, соёрхол
гавьяа эрдэм гарамгай эрдэм
алдар гавьяа олонд түгсэн нэр хүнд болон хийж бүтээсэн сайн үйлс
ач гавьяа гавьяа зүтгэл
гавьяа нэрийг гуйгаад олдоггүй, гаслан зовлонг түлхээд зайлдаггүй хэрэг явдал хүний санаснаар болдоггүй гэсэн санаа
гавьяа цолыг олъё гэвэл ганц сэтгэлээр чармай хүн цөхрөлтгүй чармайвал бүтэхгүй үйл байхгүй гэсэн санаа