1. Насажсан, хөгширсөн эр хүн, өтөл насны эр хүн - Өвгөн үхрээ өөрөө хариулна. С.Удвал. Та бид уулзана., буурал өвгөн (үс нь бууралтсан настай эр), өвгөн настай (нас өндөр болсон нь) - Энэ бол бидний өвгөн настай болсон цагт учирч байгаа их түүхтэй баяр. Б.Бааст. Хяруу унасан цагаар., өвгөн болох (эр хүний өтөлж хөгшрөх), нутгийн өвгөд (нутаг усны настай эрчүүд), өвгөдийн гэрээс (настай хүмүүсийн захиас), өвгөдийн үг (эртнээс уламжилсан сургаал үг), өвгөдийн онгон (өвөг дээдсийг оршуулсан газар), өвгөдийн халаа (ахмад хүмүүсийн хийж байсныг үргэлжлүүлэх залуу үе) - Өвгөдийн халааг авах эрдэм ном үзсэн залуу малчидтай болно гэдэг сайхан хэрэг. С.Лочин нар. Галтай залуу нас., өтгөс өвгөд [хоршоо] (өтөлж хөгширсөн хүмүүс), өвгөд хөгшид [хоршоо] (өндөр настан, өвөг дээдэс) - Хүннү Сүннүгийн үеэс хөгшид өвгөдийн минь нутаг. Д.Нацагдорж. Миний нутаг., өвгөд хуучид [хоршоо] (хөгшид), өвгөд эмгэд [хоршоо] (хөгшид, настай хүмүүс) - Хороо хүрээний хөгшин зэмдэг өвгөд эмгэд эрж асууж айл тойруулахад хүрмүй. В.Инжаннаши. Хөх судар., өвгөн хүнд өргөмж хэрэгтэй, залуу хүнд сургамж хэрэгтэй [зүйр цэцэн үг] (настай хүнд асрамж, залуу хүн сургаал хэрэгтэй гэсэн санаа);