Дэлгэцээр сүүдэр зураг үзүүлэх уран сайхны бүтээл; сүүдэр ший: кино архив (дүрс бичлэгийн сан), дэлгэрэнгүй...кино аппарат (кино зураг авах, кино гарган үзүүлэх хэрэгсэл) - Кино үйлдвэрийн найруулагчид, зурагчид бол кино аппаратынхаа хамт гартаа зэвсэг барин тулалдаж яваа хүмүүс юм. “Цог” сэтгүүл., кино гаргах (дүрс бичлэгийн бүтээл толилуулах), кино жүжигчин (кинонд тоглодог жүжигчин), кино зохиол (кино бүтээх үндэс болдог эх бүтээл), кино зураг (дэлгэцэд гаргахад бэлэн болсон кино бүтээл) - Хонь мал нь кино зураг адил нүдний өмнө жирэлзэн харагдах мэт боллоо. Л.Түдэв. Нүүдэл., кино механик (кино гаргах мэргэжлийн хүн), кино наадам (киноны шилдэг бүтээл, уран бүтээлчийг шалгаруулах нээлттэй үзлэг), кино найруулагч (кино бүтээх үйл ажиллагааг уран сайхны талаас нь удирдагч), кино операторч (кино зураг авах мэргэжилтэн) - Манай экспедицийн фото зурагч, кино операторч нар зураг авахаар нуурт мяраан ойртлоо. О.Намнандорж. Түүвэр зохиол., кино театр (олон нийтэд кино гаргаж үзүүлэх зориулалттай байр), кино урлаг (урлагийн нэг төрөл), баримтат кино (түүхэн бодит үнэнийг тусгасан кино), дуугүй кино (зөвхөн дүрсээр илэрхийлсэн кино), хүүхэлдэйн кино (хүүхэлдэй, зурган өгүүлэмжээр хийсэн кино).