Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ИЛЭХ I

1. Хүн, амьтны биеийг гарын алгаар энхрийлж таалах - Алексей энгэртээ зүүсэн аж үйлдвэрийн гавьяаны одон тэмдгээ дэлгэрэнгүй...аяархан илэв. Н.Банзрагч. Зам., толгойгоо илэх (толгойгоо гарын алгаар илбэх) - Ноён бол харин миний толгойг илж таалаад болдоггүй юм. С.Буяннэмэх. Түүвэр зохиол., хацраа илэх (хацраа гарын алгаар тууш илбэх), илэх таалах [хоршоо] (энхрийлэх илбэх);

2. Юмны дээгүүр гарын алгаар хөнгөн явуулж засах: сахлаа илэх (сахлаа илбэх);

3. Эмчлэх засах зорилгоор хүн амьтны биеийг гараар барилах, дарах - Зөөлөн хөнгөн гараараа илж сувилсанд талархана.

4. Илүүрээр илүүрдэх, оёдол унагаах: илүүрээр илэх (халуун илүүрээр хувцас хунарын хунираа үрчлээ, оёдлыг тэгшлэн толийлгох);

5. Юмыг нимгэн түрхэх: шавар илэх (шавар нялан тэгшлэх);

6. [шилжсэн] Өөгшүүлэх; давраах: толгойг нь илэх (гэм бурууг нь өөгшүүлэн хаацайлах, шийтгэлгүй өнгөрөөх) - Чиний замд бузар дэлгэрэнгүй... Л.Түдэв. Алтан гадас чигийг заана.

толгойгоо илэх	толгойгоо гарын алгаар илбэх
хацраа илэх	хацраа гарын алгаар тууш илбэх
илэх таалах	энхрийлэх илбэх
сахлаа илэх	сахлаа илбэх
илүүрээр илэх	халуун илүүрээр хувцас хунарын хунираа үрчлээ, оёдлыг тэгшлэн толийлгох
шавар илэх	шавар нялан тэгшлэх
толгойг нь илэх	гэм бурууг нь өөгшүүлэн хаацайлах, шийтгэлгүй өнгөрөөх