1. Алт мөнгийг тусгай хэвд цутган хийсэн нэг зүйл цул зоос; хуучин цагийн мөнгөний нэгж; их төлөв дээд тал нь дэлгэрэнгүй...сэрвэгэр, доод тал нь шувтан, эсвэл нударга, тойг маягийн дэлбэгэр хэлбэртэй, голдуу тавин лангийн хэмжээтэй байдаг - Арван лангийн ембүүнд алгаа тосдог аав уу даа. Монгол ардын дуу “Сэндэр охин”., дуутуур ембүү (дөрвөөс таван лангийн мөнгө), илжгэн туруу ембүү (таван лангийн мөнгө), мөнгөн ембүү (цул мөнгөөр цутгасан ембүү) - Нисманы хажуугийн ширээнд торго магнаг, алт мөнгөн ембүү овоолоостой байна. Ш. Нацагдорж. Мандхай цэцэн., таван лангийн ембүү (хүнд нь тавин цэн орчим ембүү) - Таван лангийн ембүү өгье, өрөөсөн нүдээ ухаад аль гэвэл арилжчихаж магадгүй амьтан байгаа юм. Г.Дүйнхэржав. Арилшгүй мөр., тойгон ембүү (арван лангийн мөнгө), хулгар ембүү (дөч гаруй лангийн мөнгө), ширээ цагаан ембүү (тавин лангийн мөнгө);