1. Гурван наснаас дээш агтлаагүй эр адуу, хулан, тахь, луус, илжиг: азарга адуу (нэг азарганы хураах дэлгэрэнгүй...гүү, түүнтэй ижилдэн явах адуун сүрэг, голдуу арваас гуч орчим тооны адуу байна), азарган үрээ (агтлаагүй үрээ), азарганы уралдаан (агтлаагүй их насны морьдын уралдаан), азарга тавих (агтлахгүй үлдээх), азарга гишгэх (азарганы ороо орж гүүн дээр харайх, хээлтүүлэх), хур азарга (а. Азарга тавьсан цагаас биед нь гар хүрээгүй эмнэг азарга; б. Хур дэлтэй азарга), *хөгшин азарга жороо сурах (хөгширсөн хойноо залуумсаг зан байдал гаргах), азарга байдсаа ялгадаг, хүн төрлөө ялгадаг [зүйр цэцэн үг] (хүн удам угсаагаа мэддэг байх ёстой гэсэн санаа);