Хүн төрөлтнөөс бусад амьтай, амьгүй бодис, байгаль. нийгмийн үзэгдлийг лавлан асуух төлөөний үг, эр үгэнд бичнэ - дэлгэрэнгүй...Мөн цэргүүд Бэлгүтэйн эхийг сундалж, хоёр хөлийг нь санжуулан давхиж ирээд, “Энэ тэргэн дотор юу байна?” гэж асуувал, Хуагчин эмгэн өгүүлрүүн: “Унгас бий” гэв. Монголын нууц товчоо., юу бол юу (ямар ч юм хамаагүй), юу боловч (юу болсон ч, юун түрүүн), юу гээ вэ? (дуудах зэрэгт учрыг лавлан асуух үг), юу гэнэ ээ? (бусдын хэлснийг ухаж мэдээгүйдээ дахин магадлан асуухад хэлэх үг), юу гэж (юу гэнэ), юу (юү) гэх вэ? (а. Үүнийг юү гэж нэрлэх вэ?; б. [шилжсэн] Хэлэх ч үг алга, хэлээд яахав), юу зовох вэ? (ядах юмгүй), юу хийх вэ? (а. Ямар ажил төрөл хийхийг лавлахад хэрэглэх үг; б. Санаанд үл тохирох зүйл хийж байгааг үзээд үл тоомсорлож хэлэх үг), юу хийхээ хэлэлцэх (ямар ажил үйл хийхээ хэлэлцэх) - Бид орой бүр гадуурх ажлаа дуусгасны дараа цуглан тэр өдөртөө хэн яаж ажилласан, юуг анхаарвал зохих, маргааш юу хийхээ хэлэлцдэг байв. С.Лочин нар. Галтай залуу нас., юу хэлэх вэ (а. Нэмж хэлэх, ярих зүйл үгүй; б. Цөхөрсөн үед хэлэх үг), юу юугүй (яах ийхийн завдалгүй, даруйхан), юу ч атугай (юу ч болсон, юу ч гэсэн), юу ч биш (маш амархан, хялбархан), юу ч болов (ямартай ч гэсэн), юу ч болтугай (ямар ч гэсэн), юу ядах вэ (хялбархан, амархан), юун сайн юм бэ (яасан сайн хэрэг вэ), юун ч их юм бэ (яасан их юм бэ), юуны өмнө (эн тэргүүнээ), юуны тул (яахын тулд, яах гэж), юуны учир (яагаад), юуны учир ингэх болов (яагаад ингэх болов), юун хамаа байна (хамаагүй), юун юм (а. Ямар юм; б. Урьд нь мэдээгүй хоцорсон зүйлийг хожим лавлан асуухад хэлэх үг), юу юунаас чухал (аливаа зүйлээс маш чухал), ядах юу байх вэ (хялбархан), юу сайхан, дур сайхан [зүйр цэцэн үг] (өөрийн бодол өөртөө зөв гэсэн санаа), *юугаа хэлж хуйхаа маажих вэ (юу ч мэдэхгүй яадаг билээ), *юу юугүй (даруйхан, мөдхөн, цаг давчуу болсон), *юу юунд ч үгүй (а. Юм огт хүрэлцэхгүй, хомс; б. Ажил огт амжихгүй), *юу ядах (амар, хөнгөн), *юуны хамаа (огт хамаагүй).