Ямар, яасан их гэхчлэн гайхах санааг илтгэхэд хэрэглэх үг - Эд нар юутай дээрэнгүй, юутай эрээгүй, юутай бардам дэлгэрэнгүй...тарган цатгалан байна вэ! “Цог” сэтгүүл., юутай дотно (ямар дотно, хэчнээн дотно) - Сургууль минь чи юутай дотно санагдана вэ. С.Дашдооров. Миний ард түмэн., юутай жигтэй! (ямар жигтэй, ямар хачин юм бэ!), юутай сайхан өглөө вэ! (ямар сайхан өглөө вэ!), юутай муухай хэрэг вэ! (яасан золгүй зүйл вэ!), юутай сонин зүйл вэ! (ямар сонин зүйл вэ?), юутай тааламжтай (яасан тааламжтай, хэчнээн сайхан) - Энэ дэлхийн наран дор жаргах гэгч юутай тааламжтай. Д.Нацагдорж. Бүрэн түүвэр., юутай халуун юм (ямар халуун юм) - Энэ говь нутаг гэгч юутай халуун ширүүн уур амьсгалтай мөртөө юутай их баялагтай, арвин их нууцтай газар билээ. Ж.Дамдин. Миний монгол., *юутай хүүтэй нь (бүгдийг нь, юу ч үлдээлгүй) - Юутай хүүтэй нь авчихсан байв. ”Цог” сэтгүүл.