Уушгинаас гарсан хийн урсгал амны хөндийгөөр чөлөөтэй гардаг, өөрөө сонсогдох хөг аялгуутай авиа: эгшиг дэлгэрэнгүй...авиа [хэл шинжлэл] (өгүүлэхэд амны хөндийн дотор ноцтой хашилт саад үл тохиолдох авиа) - Энэ эгшиг нэгнээ тасрахад нөгөө газраа цуурайтан уянгалдаг билээ. С.Удвал. Их хувь заяа., эгшиг жийрэглэх [хэл шинжлэл] (гийгүүлэгчээр төгссөн үгийн язгуур үндсэнд, гийгүүлэгчээр эхэлсэн залгавар залгахад, хооронд нь эгшиг бичих; угсарсан гийгүүлэгчийн завсар эгшиг орох), эгшиг зохицох ёс [хэл шинжлэл] (үгийн тэргүүн үеийн эгшиг мөнхүү үгийн үеийн эгшгийг ялган тогтоох ёс), эгшиг үсэг [хэл шинжлэл] (цагаан толгойн "А, И, О, Ө, У, Ү, Э" авиаг бичиж тэмдэглэх дүрс) - Одоо кирил үсгийн дүрэмд адгийн огцом эгшгийг хасаж ... бичихээр болгосон. Б.Ринчен. Сандо амбан., балархай эгшиг [хэл шинжлэл] (өргөлтөт бус үеийн богино эгшиг), огцом эгшиг [хэл шинжлэл] (дуудагдах хугацаа хэт богино эгшиг), саармаг эгшиг [хэл шинжлэл] (хэлний дундуураас урагш хэлэгдэх, эр, эм үгийн аль алиных нь бүтцэд орох “и” эгшиг), урт эгшиг [хэл шинжлэл] (сунжруулан удаанаар дуудагддаг эгшиг), хос эгшиг [хэл шинжлэл] (хоёр өөр эгшиг нийлж нэг үеийг бүтээдэг эгшиг).