Морины толгойд углах амгай, зуузай, жолоо, цулбуур бүхий уналга эдэлгээний тоног хэрэгсэл - Хазаар тоног дэлгэрэнгүй...хэрэглэлийг олзлон авах аюултай юм. Н.Батбаяр. Өндөрт хатгасан туг., хазаарын хамар (хазаарын хоёр зуузайг холбож байгаа сурын морины хамар дээгүүр таарах хэсэг), хазаарын хацар (хазаарын зуузайнаас шил хүртэлх хэсгийн сур), хазаарын магнайвч (хазаарын сурын, морины магнай дээр таарах хэсэг), хазаарын савх (а. Жолоог зуузайтай холбож байгаа гогцоо; б. Хазаарын жолоо), хазаарын сагалдарга (морины эрүүн доогуур оруулж хазаарын зүүн шанааны дунд хэсэгт уях зориулалт бүхий хазаарын баруун шанааны дунд хэсэгт бэхэлсэн оосор), хазаарын шил (хазаарын хацрын дээд уулзварын, морины шил дээр таарах хэсэг), хазаарын толь (а. Хазаарын амгайвчийн гол дээр хадсан бяцхан толь, голдуу уралдааны моринд чимэг болгон хэрэглэнэ; б. Хазаарын хамар, хацрын аль нэг газарт тааруулсан дугуй зэс болон мөнгөн чимэг), хазаарын тархи ~ хазаарын толгой ~ хазаарын гавал (хазаарын жолоо цулбуураас бусад хэсэг), мөнгөн хазаар (мөнгөөр товруу, бөгж хийсэн хазаар), суран хазаар (тоноггүй сураар хийсэн хазаар), товруутай хазаар (зэс, мөнгөөр хийсэн товгор тоногтой хазаар), хазаар дарах (унаж яваа морь жолоо булаалдан урагш тэмүүлэх) - Магнай дээрээ сартай жороо хүрэн морь мөнгөн товруут хазаарынхаа амгайг соёондоо өлгөж хазаар даран тэмүүлэхэд үс нь илбүүршсэн тэгшхэн зоо нь үл мэдэг жирвэлзэнэ. С.Эрдэнэ. Хулан бид хоёр., хазаар зангидах (хазаар хийх), хазаар ногт [хоршоо] (морь малын уналга эдэлгээний тоног хэрэгсэл), хазаар хударга [хоршоо] (морь малын уналга эдэлгээний тоног хэрэгсэл), *хазаар гүйлгэх (адуу хулгайлах, морины хулгай хийх) - Амбаагийн хар гэдэг нь хар багаасаа хол ойр, ар өвөр хошуудад хазаар гүйлгэдэг нутаг хошуундаа зартай сайн хулгайч юм. Ж.Надмид. Хүлээс алдарсан нь., *хазаар дарах (а. Үүргэлэн тонгос тонгос хийх - Нэг удаа албадаж байгаад театрт хамт очсон. Хоёрдугаар үзэгдлээс нь эвшээж, гуравдугаар үзэгдэл дээр нь хазаар дарж эхэлсэн. Ч.Лодойдамба. Чулуун; б. Морь жолоо булаах мэт урагш тэмүүлэх - Шувуун саарал хазаар даран хоногийн газрыг өдөрт хүргэхээр тэмүүлэн хатирна. Д.Нацагдорж. Шувуун саарал).