Нэвтрэх
Ашиглах заавар
САРУУЛ
1. Гэрэл гэгээ сайтай: саруул шөнө (тэнгэр цэлмэг, сартай шөнө), саруул тасалгаа (а. дэлгэрэнгүй...
2. Уудам, тэнэгэр: саруул тал (өргөн уудам, цэлгэр тал) - Саруул талаа харахад санааны үзүүр сэвэлзэнэ “Цог” сэтгүүл., уудам саруул (уудам цэлгэр), саруул тал байна гээд саадыг нь мэдэхгүй бүү давхи, сайн хүн байна гээд санааг нь мэдэлгүй бүү итгэ [зүйр цэцэн үг] (аливаа зүйлийн мөн чанарыг таниагүй байж гоомой бүү хөдөл гэсэн санаа);
3. [шилжсэн] Уужуу тайвуу, амгалан - Дотор саруул болов. И.Дамбажав. Монгол үгийн дээж;
4. [шилжсэн] Ухаан санаа тунгалаг, бодож сэтгэхдээ гүн: саруул ухаан (оюун ухаан хурц соргог), саруул ухаантан дэлгэрэнгүй...
5. Эрүүл энх - Эрүүл саруул царайд нь баяр баясгалангийн охь хуран цуглараад дуу алдах хүсэл төрж явна. эрүүл саруул [хоршоо] (өвчин эмгэггүй эрүүл), эрүүл биед саруул ухаан оршино [зүйр цэцэн үг] (хүний бие эрүүл бол цог жавхаатай, оюун ухаан хурц байдаг, эрүүл чийрэг байхыг эрхэмлэ гэсэн санаа).
| саруул шөнө | тэнгэр цэлмэг, сартай шөнө |
| саруул тасалгаа | а. Гэрэл гэгээ сайтай тасалгаа; б. Уудам цэлгэр өрөө |
| сар саруул | сарны гэрэл сайн, гэгээтэй шөнө |
| гэгээн саруул | гэрэл гэгээ сайтай |
| саруул тунгалаг | а. Гэрэл гэгээтэй; б. [шилжсэн] Сэргэлэн цовоо, эрүүл энх; в. [шилжсэн] Амьд сэрүүн |
| саруул тал | өргөн уудам, цэлгэр тал |
| уудам саруул | уудам цэлгэр |
| саруул тал байна гээд саадыг нь мэдэхгүй бүү давхи, сайн хүн байна гээд санааг нь мэдэлгүй бүү итгэ | аливаа зүйлийн мөн чанарыг таниагүй байж гоомой бүү хөдөл гэсэн санаа |
| саруул ухаан | оюун ухаан хурц соргог саруул ухаантан цэцэн мэргэн хүн |
| саруул эрдмээр санаснаа бүтээнэ, ухаан эрдмээр угсаагаа мандуулна | эрдэм мэдлэг, оюун билиг эрхэм гэсэн санаа |
| саруул ухаанаас илүү сайн нөхөр үгүй, мунхаг хилэнгээс илүү муу дайсан үгүй | а. Оюун ухаан эрхэм; б. Уурын мунхаг хэцүү гэсэн санаа |
| эрүүл саруул | өвчин эмгэггүй эрүүл |
| эрүүл биед саруул ухаан оршино | хүний бие эрүүл бол цог жавхаатай, оюун ухаан хурц байдаг, эрүүл чийрэг байхыг эрхэмлэ гэсэн санаа |
ᠰᠠᠷᠠᠭᠤᠯ
saraγul
- Өргөн хэрэглээний үг
- Явцуу хэрэглээний үг
- Аман зохиол
- Нэр томьёо
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он