Шовх хоншоортой, сахалтай, урт сүүлтэй, бяцхан мэрэгч амьтан: оготнын ноохой (бяцхан мэрэгч амьтдын дэлгэрэнгүй...оромж, гэр), оготнод хор хаях (бяцхан мэрэгч амьтдыг устгахаар хорт бодис хаяж өгөх), оготно хулгана [хоршоо] (жижиг мэрэгч амьтдын ерөнхий нэр), оготно хулганын нүх (мэрэгч амьтдын ухсан нүх) - Тарианы нь талбай оготно хулганын нүх үлийгээр дүүрчээ. С.Дашдэндэв. Үүрийн цолмон., *оготнын хамраас цус гаргаагүй (а. Ерөөс ан хийдэггүй; б. Анд яваад ямар ч ангүй ирэх гэсэн санаа), *оготнын нүхээр багтах (сэргэлэн, овсгоотой байх) - Намнан хүргэнээ хэзээ ч мухардахгүй, оготнын нүхээр ч багтаж мэдэх эр гэж бахархан бодлоо. Б.Нямаа. Араараа модтой Биндэръяа., оготнын уршиг олондоо [зүйр цэцэн үг] (нэг хүний хийсэн муу ажиллагаа нийтэд муу нөлөө болдог гэсэн санаа), оготнын сүүлээр хулгай барих [зүйр цэцэн үг] (өчүүхэн бага юмаар шалтаглаж их зүйлийг бүтээх гэсэн санаа), оготно арслантай тулалдаж, мэлхий луутай тэмцэлдэх [зүйр цэцэн үг] (хүч тэнцвэргүй байдал гэсэн санаа), оготно мэт хэдэр, хэрээ мэт хэрүүлч [зүйр цэцэн үг] (хэцүү, түвэгтэй зан араншинтай хүн гэсэн санаа), төрийн төлөө оготно боож үхэх [зүйр цэцэн үг] (өөрт хамааралгүй зүйлд ихэд бухимдах гэсэн санаа), оготнын сүүл [ургамал] (сүрэл нь шулуун, үеэрээ өвдөг мэт муруй, навч нь нягт охор үстэй, цэцэг нь түрүү хэлбэртэй олон наст өвс).