1. Дайн тулалдаанд өмсөж биеэ хамгаалдаг байсан тусгай өмсгөл: төмөрлөг, арьс шир, мод, хулс, мяндас, зотон, эсгий, дэлгэрэнгүй...илэг зэрэг хатуу зөөлөн эдээр хийнэ: бамбай хуяг (халхавч хуяг), өвч хуяг (бүх биеийг халхлах хуяг), хөө хуяг (хэлхсэн төмөр гархин хуяг) - Хуруугаараа чичин заагаад, багадчихсан хөө хуягийг тайчих гэж татаж чангааж гарав. “Цог” сэтгүүл., хуяг өмсөх (биеийг хамгаалах төмөрлөгөөр хийсэн хувцас өмсөх) - Зүү шивэх завсаргүй, зүймэл хуяг өмсөж, өлссөн шувуу мэт, өрвөлзөн сөрвөлзөн айсуй. Монголын нууц товчоо., хуяг дуулга [хоршоо] (эртний баатар дайчдын дайн тулаанд өмсөх, бие хамгаалах төмөрлөг өвч хувцас) - Чингээд нойрсож байгаа тэр хайртай хүнээ сэрээхгүй гэж чив чимээгүйхнээр хуяг дуулгаа тайлав. Б.Ринчен. Гүнж., хуяг нөмөрч хурцыг барих [зүйр цэцэн үг] (дайнд явах, бэрхийг туулах гэсэн санаа);