Хуяг бүхий: хуягт арвай (идээний гадуур нь хальсаар бүрхсэн арвай), хуягт онгоц дэлгэрэнгүй...(гадуураа сумнаас хамгаалах болд хавтсан бүрхэвч бүхий далайн онгоц), хуягт тэрэг (сумнаас хамгаалах болд хавтсаар бэхлэгдсэн, цэрэг дайны зориулалт бүхий автомашин) - Голын наахан талд их бууны гол төмөр, хуягт тэрэгний цамхаг, модон шон зэргээр тэмдэглэсэн хэдэн ногоон булш байна. С.Эрдэнэ. Өгүүллэгүүд., хуягт танк (сумнаас хамгаалсан болд бүрхэвч бүхий танк) - Цаана нь сум шунгинан, бөмбөг дэлбэрч, хуягт танк хүржгэнэх сонсогдов. М.Чойжил. Андын нутаг алсдахгүй., хуягт тээвэрлэгч (мото буудлагын салбарыг байлдааны талбарт хүргэх, тэднийг галаар дэмжих зориулалттай гинжит ба дугуйт байлдааны хуягт машин), хуягт загас [амьтан] (эрт дээр цагт амьдарч байсан, чээжин биедээ ясан хуягтай нэгэн зүйл загас), хуягт үлэг гүрвэл [амьтан] (толгой, бие нь хавтгай ясан хуяг, өргөсөөр хамгаалагдсан, ургамал идэшт, шувуун аарцагт үлэг гүрвэлийн нэгэн дэд багийн эртний мөлхөгчид).