Болдоор хийсэн хурц үзүүр, урт иштэй чичих, бүлэх, хатгах зэвсэг - Сүх жад тачигнан, иш хугарах, ёолох, урайлах дэлгэрэнгүй...дуу маш сүртэй. Б.Ринчен. Заан залуудай., жад шидэх (мөнхүү зэвсгийг далайн шидэх), жадаар сүлбэх (жадаар хатгах), жадаар тулалдах (жад хэрэглэн тулалдах), жадаар хатгах (жадаар бүлэх), жадны шарх (а. Жаданд сүлбүүлсэн гэмтэл; б. Жадны сорви), богино жад (охор иштэй жад), ган жад (ган төмөр үзүүртэй жад), гинжит жад (гинж бүхий жад, жалан), их жад (урт бахим жад), морин жад (морин дээрээс хатгах урт жад) - Тэргүүн сайд зарлиг гарган хошуу хошуунд дархчуул цуглуулж, зэвсэг хийлгэх боллоо гэж ярилцан Нийслэл хүрээний дархчуулыг баруун дамнуургачны тэнд бөөгнүүлэн дархны газар байгуулж улаан төмөр нүдүүлэн сэлэм, морин жад хийлгэх болжээ. Ж. Пүрэв. Аянга., толтот жад (засмал талстай жад), тугалган жад (тугалгаар хийсэн жад) - Туйлбаргүй хүн буцахдаа амархан, тугалган жад шантрахдаа амархан. ААЗ., туялзуур жад (спортын нэг төрөл, нүүрэндээ торон хаалт хийн, бие барьсан цагаан өмсгөл өмсөн тулалдана), хануур жад (хурц үзүүртэй жад), хутган жад (хутга хэлбэртэй жад) - Бид, бүлгийнхээ сайн эрсийн тоогоор 11 буу, хутган жад авч гадагш гарав. Б. Нямаа. Бид гурав., жад бялуу [хуучирсан] (хятадын цэргийн эртний зэвсэг, зургаагаас арван найман тохой урт иштэй, хатгах, цохих байлдааны хэрэгсэл), жад хануур (хоёр иртэй хутга), жад шидүүр (жад харвах, нисгэх тусгай хэрэгсэл), жадан хавчуур (жадны хавчуурга), жадны үзүүр (жадны сүлбэх хурц ир) -  Түүний зүүн чихийг жадны үзүүр сэт авч хамаг хувцсыг нь цус улаанаар буджээ. Т. Султаан. Сүмбэр уулс., сэлэм жад [хоршоо] (цавчих, сүлбэх зэвсэг хэрэглэл), жад илд [хоршоо] (хатгах, цавчих ирт зэвсэг) - Бет улсын цэрэг их л дарагдаж, туг хиур, жад илдээ хөндлөн гулдгүй таягдаж, гууд буруулахад Жамуха даруй даран орж хан жагсаалаа хөдөлгөн, их цэргээ авч нэхсүгэй. В.Инжаннаши. Хөх судар.