Юмны хүч, хүний чадал тэнхээ: эрчээрээ дайрах (бүх хүчээрээ дайрах) - Тэр газраас чулуу шүүрэн дэлгэрэнгүй...чулуудах гэтэл нохой эрчээрээ дайрчээ. Ч.Лувсанжав. Дамдины бага хүү., эрчээрээ зүтгэх (бүх хүчээ дайчлан хөдлөх) - Дорж мөн л тэр эрчээрээ зүтгэв. Б.Бааст. Алтайн хөх дөнөн., салхины эрч (салхины маш их хүч) - Намрын адаг сарын шувтаргаас эхлэн ... хүйтний эрч нэмэгдэх байдлыг харгалзан өвөлжөөлөх нь зүйтэй юм. Ж.Самбуу. Мал маллагааны арга туршлага., ид эрч [хоршоо] (хүн амьтны хурд, ажил үйлийн эрчмийн оргил үе), *хар эрч (бүх бяр тэнхээ) - Хоёр гэмин нэгэн тасалгааны хаалгыг онгойлгож, нуруунаас нь хар эрчээрээ өшиглөв. С.Дашдэндэв. Улаан наран., эрч хүч [хоршоо] (ажил хэргийг хийж гүйцэтгэх урам зориг, хүч), эрч чадал [хоршоо] (хүч тэнхээ, чадвар бололцоо);