Ардын аман зохиолын нэгэн төрөл болох бөгөөд гол төлөв ид шидтэй хүн, амьтан, мангас тэргүүтэн гардаг хүүрнэл зохиол - дэлгэрэнгүй...Хоол ундаа дууссаны дараа Лувсан, Рааш гуай үлгэр ярьж аль гэж гуйжээ. С.Удвал. Та бид уулзана., үлгэр цаг (цаг хугацааны дохиог радиогоор дамжуулах эгшинд харгалзсан дэлхий нийтийн цаг хугацаа), үлгэрийн баатар (үлгэрт гардаг дүр), бадарчны үлгэр (монголчуудын хэлэлцдэг хэрмэл ламын тухай хошин үлгэр), ёгт үлгэр (далд сургамжит утгатай богино зохиол), үлгэр домог [хоршоо] (ард түмний аж амьдрал, түүхэн үйл явдлаас сэдэвлэсэн богино хэмжээний, хүүрнэн өгүүлсэн аман зохиолын төрөл), үлгэр тууль [хоршоо] (ардын аман зохиолын томоохон хэмжээний төрөл), үлгэр шастир [хоршоо] (томоохон хэмжээний бичгээр уламжлагдан ирсэн аман зохиолын төрөл) - Дөрвөн хэлний бичиг судар, үлгэр шастирыг цөм уудлан урвуулав. В.Инжаннаши. Хөх судар., үлгэр түүх [хоршоо] (домог, хууч яриа), *зангууны үлгэр (огт бүтэхгүй юм) - Бас ажил эрж дугаар хүлээсэн хүмүүс газар сайгүй дайралдахад “Над шиг юу ч мэдэхгүй харь газрын хүн энд ажил олно гэдэг зангууны үлгэр гэгч шив дээ” гэж Сайнбилэг бодов. Ж.Пүрэв. Хөгжмийн эгшиг., *үлгэрийн юм шиг (а. Санаанд оромгүй, үлгэрт гардаг шиг сайхан, гайхалтай - Янхигар туранхай биетэй өвгөн модон тэргэнд хөллөсөн асар том биетэй эрээн тарлан хайнаг хөтлөн ирж яваа нь үлгэрийн юм шиг харагдав. Д.Намдаг. Үр тариа; б. Маш хурдан, үлгэрт гардаг шиг санаагаар болох - Бодсон бүхэн нь үлгэрийн юм шиг бүтэж удалгүй хорь гаруй тэрэг дүүрэн ачаатай болжээ. Ч.Лодойдамба. Тунгалаг Тамир), үлгэрт үнэний учир олон, худалд хулгайн утга олон [зүйр цэцэн үг] (үлгэрт ч гэсэн үнэний хувь байдаг гэсэн санаа).