1. Морь малыг уяж тогтоохоор бэлдсэн ганц болон хэд хэдэн шон мод босгож зэл татсан нь: морины уяа дэлгэрэнгүй...(морь уяж тогтоохоор бэлдсэн зүйл) - Өвөлжөөний өмнө морины уяа нэлээд зайтай байна. Ж.Дамдин. Үймээний жил., уяа алдах (а. Зугтах, алга болох; б. Уяа нь алдуурах), аргамж уяа [хоршоо] (морь мал уяж тогтоож юм), уяа зэл [хоршоо] (морь уяж адуулах газар) - Унаган сүргээ уяж, уяа зэлээ дүүргэжээ. Монгол ардын тууль., уяа ногт [хоршоо] (юм уях зүйл болон морины толгойд зүүх гархи зуузайгүй оосор) - Уяа ногтыг хамгийн сайн ноосоор хийдгийг бодох хэрэгтэй. Б.Бааст. Алтайн хөх дөнөн;
2. Адуу, тэмээ зэргийг хурдлуулахаар сойх үйлийн нэр:
уяа авах (уралдах морины уяа сойлго таарах),
дэлгэрэнгүй...уяа алдах (уралдах морины сойлго алдах), уяаны морь (а. Наадамд уралдуулахаар уяж байгаа хурдан морь; б. Албан ажилд хэрэглэхээр бэлтгэсэн морь), уяа засал [хоршоо] (морь уралдуулах арга барил, ажиллагаа), уяа сойлго [хоршоо] (морины уяа заслын үед тусгай горимоор хоолыг нь сойх нь) - Дайчлан авч цуглуулсан уяа сойлго огт ороогүй таван зуу гаруй тарган агт байна. А.Дашням. Өлзийнарангийн өчил;
3. Нохой ба мал амьтныг уях нарийн төмөр буюу олс дээсний зэрэг юм:
нохойны уяа (а. Нохойг оосорлох зүйл; б. Нохойг уях газар);
4. Оосор, бүч, цулбуур зэргийг зангидах арга:
уяа алдуурах (уяас нь саарч тавигдах, сулрах);
5. Хулгайч нарын бэрх уул хад, мод мэтэд хулуусан (хулгайлсан) малыг нуун далдалж хадгалах нууц чухал газар:
хулгайчийн уяа (хулгайч
дэлгэрэнгүй...нарын цуглан үүрлэх газар);
6. [шилжсэн] Хүний сэтгэлийг татах зүйл:
*сэтгэлийн уяа (сэтгэлээс уясан мэт ямагт дурсан бодогдож байх зүйл) -
дэлгэрэнгүй...Харин яагаад ч юм бэ, Нацагмаа бодогдоод байв. Энэ хүүхэн миний сэтгэлд уяатай болсон юм гэж үү? Л.Чойжилсүрэн. Яндангийн цуурай.