1. Хатуу зүйлийн олон хэсэг цуурах, эвдрэх: мод салбарах (мод олон хэсэг цуурах),дэлгэрэнгүй... ташуурын үзүүр салбарах (ташуурын үзүүр олон хэсэг цуурч няцрах); салбарах талбарах [хоршоо] (хэмхэрч эвдрэх) - Өмнөө тавих цай уусан есөн эрдэнэт алтан доторт завьяа нэрт уур аягаа салбарч талбартал нь балба хэмх цавчин тангараглав. В.Инжаннаши. Хөх судар;
2. Бөс, даавуу зэргийн сэмэрч урагдах:
хувцас салбарах (хувцас сэмэрч урагдах) -
дэлгэрэнгүй...Хувцас нь шороо тоосонд нэвчигдэж урагдаж салбараад авах юмгүй болжээ. Л.Түдэв. Алтан гадас чигийг заана;
3. Ургамал, ногоо зэргийн шим шүүсээ алдаж хатах -
Навч нахиа нь салбарч эхлээгүй үе билээ. Ч.Чимид Хавар дэлгэрэнгүй...намар;
4. [шилжсэн] Ихэд зодож жанчих:
салбартал банздах (банзаар их олон удаа жанчих) -
дэлгэрэнгүй...Яргачид гурван хоног шударга иргэний булчинг салбартал банздаж ухаан алдуулан тамлажээ. Н.Батбаяр. Өндөрт хатгасан туг., салбартал нь зодох (нэвширтэл нь зодох) - Тиймээ манай зүүн хашааны өвгөн гэлэн Дамдин гуайг алт мөнгөө гаргаж өг гэж салбартал зодсон. Ц.Уламбаяр. Зовлон жаргал., салбарахын түрүүнд сарвуу тохой хоёр, санагдахын түрүүнд аав ээж хоёр [зүйр цэцэн үг] (ээж аав хамгаас эрхэм, дотно гэсэн санаа).