ИНЭЭХ  

1. Баярлах, баясах, хөөрөх, сэтгэл таатай болох зэрэг сэтгэлийн хөдөлгөөн нүүр нүд, дуу аялгаар илрэх: дэлгэрэнгүй...аяархан инээх (аяархан хөхрөх), чанга инээх (тачигнатал хөхрөх) - Мөн үнэ хүрсэн шүү гээд Цамба баяртай инээв. Ч.Лодойдамба. Тунгалаг Тамир., элгээ хөштөл инээх (ихэд хөгжин удаан инээх) - Энэ чинь хий юм биш байгаа биз дээ? гэхэд Бурмаа охин элгээ хөштөл инээв. Б.Бааст. Хяруу унасан цагаар., инээх мишээх [хоршоо] (баяр баясгалантай байдал нүүр царайд илрэх), инээх наадах [хоршоо] (инээд баясал болох, хөгжин хөөрөх) - Зарим нь бие дүүрэн зовлонг жаргалд үүсгэж, инээн наадахыг эрнэ. В.Инжаннаши. Хөх судар., инээдгийг эр дагадаг, бааранг нохой дагадаг [зүйр цэцэн үг] (аальгүй хүүхэнтэй л сээтэгнэдэг гэсэн санаа), инээх дүр нь царайндаа, идэх санаа нь чээжиндээ [зүйр цэцэн үг] (зусар зуйлган хүнийг хэлсэн хэллэг);

---

2. Сэтгэлийн баяр хөөрлийг бус шоглол, дургүйцэл, эсэргүүцлийн өнгө аясыг илэрхийлэн гаргах: албаар инээх (хүчээр инээх), дэлгэрэнгүй...дооглон инээх (шоглон инээх), хуурамчаар инээх (инээх дүр үзүүлэх), шоглож инээх (а. Дооглож инээх; б. Ичээх зорилгоор хий инээх), инээх хөхрөх [хоршоо] (баясан инээд алдах), инээсэн хүнээс асуу, уйлсан хүнээс бүү асуу [зүйр цэцэн үг] (баярлах шалтаг олон, зовох шалтаг нэг гэсэн санаа) - Инээсэн бүхэн нөхөр биш, уурласан бүхэн дайсан биш. ААЗ., Ардын засгийн мэргэн сайдын хэлдэг түмэн зөв гэж нэг лам хэлээд марсайн инээв. Ч.Лодойдамба. Тунгалаг Тамир;

---

3. Нүд, сормуусаа хөдөлгөн сэтгэлийн дотоод илрэлийг гаргах: инээх байдал илтгэх: нүдээрээ инээх (харцанд нь баяр хөөр илрэх) - дэлгэрэнгүй...Хоньчин Жукейд өгөөд ховдог нүдээрээ инээв. Ч.Лхамсүрэн. Мамий Жукей хоёр., инээхтэй манатай (инээх бололцоогүй, инээх аргагүй), инээхтэй ханиахтай болох (а. Дуртай дургүй, тоохтой тоохгүйтэй байдал; б. Уйтгар шаналал өндөрлөж, тайвшран уужрах; в. Урам нь сэргэх байдал);

---

4. Инээнгүүт, инээхийн хамт, инээхийн зэрэг: инээхтэй зэрэг (инээнгүүт, инээмэгц) - дэлгэрэнгүй...Хүүг ход ход инээхтэй зэрэг тэнд байсан улс их л шохоорхон инээлдэв. Яриа.

---

• аяархан инээх - аяархан хөхрөх
• чанга инээх - тачигнатал хөхрөх
• элгээ хөштөл инээх - ихэд хөгжин удаан инээх
• инээх мишээх - баяр баясгалантай байдал нүүр царайд илрэх
• инээх наадах - инээд баясал болох, хөгжин хөөрөх
• инээдгийг эр дагадаг, бааранг нохой дагадаг - аальгүй хүүхэнтэй л сээтэгнэдэг гэсэн санаа
• инээх дүр нь царайндаа, идэх санаа нь цээжиндээ - зусар зуйлган хүнийг хэлсэн хэллэг
• албаар инээх - хүчээр инээх
• дооглон инээх - шоглон инээх
• хуурамчаар инээх - инээх дүр үзүүлэх
... үргэлжлүүлэн харах ...
шоглож инээх - а. Дооглож инээх; б. Ичээх зорилгоор хий инээх
инээх хөхрөх - баясан инээд алдах
инээсэн хүнээс асуу, уйлсан хүнээс бүү асуу - баярлах шалтаг олон, зовох шалтаг нэг гэсэн санаа
нүдээрээ инээх - харцанд нь баяр хөөр илрэх
инээхтэй манатай - инээх бололцоогүй, инээх аргагүй
инээхтэй ханиахтай болох - а. Дуртай дургүй, тоохтой тоохгүйтэй байдал; б. Уйтгар шаналал өндөрлөж, тайвшран уужрах; в. Урам нь сэргэх байдал
инээхтэй зэрэг - инээнгүүт, инээмэгц

Холбогдох зураг одоогоор алга байна.