ИОД  

1. Их төлөв тэнгис, далайн замгаас олборлон авдаг төмөрлөг, гялгар хар бараан өнгөтэй бодис, химийн язгуур махбод: дэлгэрэнгүй...иодын дутагдал (иод багатай хөрс бүхий газар нутгийн малын мах, хүнсний ногоо хэрэглэсэн хүний биед бамбай булчирхай томрох, оюун санаа, ой тогтоолт муудах, бие бялдрын ба хөдөлгөөний гажиг саатал үүсэх зэрэг эмгэг) - Иодын дутагдлаас болж, дэлхийн олон оронд бамбай булчирхай, судас хатуурах, хэт таргалах өвчин газар авч байна. “Ардын эрх” сонин;

---

2. Энэхүү бодисыг эмнэлэгт хэрэглэхээр спиртэд уусгасан уусмал: иодын ханд (иод уусгасан ханд), дэлгэрэнгүй...шарханд иод түрхэх (шархыг иодоор арчих) - Нөгөө залуу нарийхан модны үзүүрт хөвөн ороож байгаад миний дал мөрийг дагуулан иод түрхэж өгөв. П.Лувсанцэрэн. Хөдөөгийн дуун.

---

• иодын дутагдал - иод багатай хөрс бүхий газар нутгийн малын мах, хүнсний ногоо хэрэглэсэн хүний биед бамбай булчирхай томрох, оюун санаа, ой тогтоолт муудах, бие бялдрын ба хөдөлгөөний гажиг саатал үүсэх зэрэг эмгэг
• иодын ханд - иод уусгасан ханд
• шарханд иод түрхэх - шархыг иодоор арчих

Холбогдох зураг одоогоор алга байна.