ДААТГАХ  

1. Амь нас, хувь заяагаа бусдад хариуцуулан тушаах, биеэ даалгах: амиа даатгах (амь насаа номын дэлгэрэнгүй...хүчинд итгэн үлдээх), бурханд даатгах (тухайн хүн бурхан сахиус, шүтээндээ итгэн, өлзий ивээл хүсэж, аливаа харш бүхнээс зайлуулахыг гуйн харамж өргөж залбирах), заяагаа даатгах (хувь тавилангаа бусдын арга чадал, ид шидэд хариуцуулах) - Арвуул юм уу, хориул хөрөнгө мөнгө хуримтлуулан, өвөрмөц ур хийцтэй барьсан мөргөлийн газар энэ оронд хаа сайгүй тааралдах агаад тийм нэгэн ариун шүтээний газарт хувь заяагаа даатгах нь өлзийтэй гэж үзнэ. Л. Чойжилсүрэн. Дилав хутагт., өөрийгөө даатгах (а. Өөрийнхөө аж төрөл, амь нас, ажил үйлийг найдан хариуцуулах; б. Өөрийгөө даатгалд хамруулах), хүүхдээ даатгах (хүүхдийн эрүүл энх, ирээдүйн сайн сайхныг хамгаалуулахаар найдах) - Та чинь амь насаа бурханд даатгаагүй, буунд даатгачихсан хүн юм билээ. Б.Нямаа. Арандалынхан;

---

2. Итгэл хүлээлгэх, найдах - Тэр ч байтугай хүнд тавьсан өр ширээ дарахыг хүү Сэрждээ даатгажээ. С.Дашдэндэв. дэлгэрэнгүй...Үүрийн цолмон., багшдаа даатгах (багшдаа бүрэн найдах), хүүдээ даатгах (хүүдээ итгэж хариуцуулах)

---

3. Тусгай хууль, дүрмийн ёсоор даатгалын газар, албан байгууллагад татвар төлж амь нас, эд хөрөнгөө хадгалуулах; гэнэтийн аюулын үед төлбөрийн мөнгө дэлгэрэнгүй...олох баталгаа авах: эд хөрөнгөө даатгах (эд хөрөнгөө даатгалд хамруулах).

---

• амиа даатгах - амь насаа номын хүчинд итгэн үлдээх
• бурханд даатгах - тухайн хүн бурхан сахиус, шүтээндээ итгэн, өлзий ивээл хүсэж, аливаа харш бүхнээс зайлуулахыг гуйн харамж өргөж залбирах
• заяагаа даатгах - хувь тавилангаа бусдын арга чадал, ид шидэд хариуцуулах
• өөрийгөө даатгах - а. Өөрийнхөө аж төрөл, амь нас, ажил үйлийг найдан хариуцуулах; б. Өөрийгөө даатгалд хамруулах
• хүүхдээ даатгах - хүүхдийн эрүүл энх, ирээдүйн сайн сайхныг хамгаалуулахаар найдах
• багшдаа даатгах - багшдаа бүрэн найдах
• хүүдээ даатгах - хүүдээ итгэж хариуцуулах
• эд хөрөнгөө даатгах - эд хөрөнгөө даатгалд хамруулах

Холбогдох зураг одоогоор алга байна.