1. Юмыг өөд нь өргөж чадах: ачаа бараа даах (ачаа барааг өргөх, зөөх), дэлгэрэнгүй...биеэ даах (биеэ удирдан залж чадах) - Тийм учраас багаасаа биеэ даах нь дээр. Д. Батбаяр. Мартагдсан аялгуу., өргөж даах (юмыг газраас хөндийрүүлэх) - Юмыг хүнд гэж бүү цөхөр, өргөвөл даана. М.Цэдэндорж. Есөн хүсэл., өрөөсөн гараараа даах (өрөөсөн гараараа өргөж дийлэх), толгойгоо даах (а. Тэргүүнээ өргөж дийлэх; б. Аливаа ажил үйлийг бусдын дэмжлэггүйгээр өөрөө хийж чадах, бие даах; в. Тусдаа гарах), тэвэрч даах (юмыг энгэр, чээжиндээ шахан өргөх) - Тэвэрч таныгаа даахгүй ч гэсэн, тээж явдаг шүү сэтгэлдээ. З.Гүнсэн. Зулай цагаан Алтай., үүрч даах (юмыг ар нуруундаа тэгнэн өргөх), эврээ даах (эвэртээ түүртэхгүй байх) - Янгир өтлөхөөрөө эврээ даахаа больдог юм гэсэн. Б.Явуухулан. Тэхийн зогсоол;
2. [шилжсэн] Алдар нэр, үнэ хүндээ хүний ёсоор авч явах:
алдар нэр даах (алдар нэрийнхээ хэр хэмжээг тааруулж байх),
дэлгэрэнгүй...алдар хүндийг даах (алдар гавьяандаа сагсуурахгүй байх), бие даах (ямарваа үйлийг бусдын дэмгүйгээр өөрөө хийж чаддаг болох) - Хар багаасаа бие даах амьдралд орсон Харнүдэн энэ бүхнээс сэрэмжлэх, аливааг өөнтөглөн бодох зан бий болсон байж болно. С. Надми. Хар нүдэн., буян даах (буян хишиг зөв эдлэх);
3. Тэвчих, тэсвэрлэх:
архи даах (согтохгүй байж чадах),
жаргал зовлон даах (жаргаж чадах, зовлонг
дэлгэрэнгүй...тэсвэрлэх) - Зовлон байтугай жаргал ч даахаа больжээ гэж бодлоо. Б.Нямаа. Арандалынхан., зодуур даах (зодож цохихыг тэсвэрлэх) - Хоёр нь багадаа зодуур даалгүй талийгаач болсон билээ. С.Удвал. Та бид уулзана., нойр даах (нойргүй байхыг тэвчих) - Машин та хоёр ч тэгдэг л юм байгаа биз, муу өвөө нь хоёр шөнийн нойр даах нь уу, үгүй юу?. Ж. Лхагва. Анхны хайрын дууль., өвчин даах (өвчнийг давах, өвчнийг тэсвэрлэх), өл даах (а. Шим тэжээл сайтай хоол идсэн учраас амархан өлсөхгүй байх; б. Өлсөхийг тэсвэрлэх - Хээрээр гэр хийж хэцээр дэр хийж үзсэн, хорь хоногийн өл даах эр байхгүй дээ. Ж. Дашзэгвэ. Эх), ус даах (усанд чанараа алдахгүй байх), тоглоом даах (наргиан шоглоомд үл бухимдах), үг даах (хатуу ширүүн үгийг сонсож чадах) - Сайн хүн үг даана, сайн морь өл даана. Ардын аман зохиол., эрүү шүүлт даах (эрүүдэн шүүх хүнд ялыг давж туулах) - Эрүү шүүлт даалгүй Ян Ткачийг хэлсэн бололтой. Г.Гофман. Хар генерал.
Ижил үг
