ШОРОН II  

Гэмт хэрэгтэн этгээдийг хорих газар, гяндан: шоронд орох (гэмт хэрэг үйлдэн ял авч гянданд хоригдох) дэлгэрэнгүй...- Бид гамингийн шоронд орж, Бароны хоригдол болж байсан Богдоо хэмжээт эрхт хаанаар өргөмжлөөд байлаа. Ч.Лодойдамба. Тунгалаг Тамир., шоронд суух (шоронд орох), шоронд хоригдох (гянданд ял эдлэх) - Хааяа хааяа сүмийн хонхны чимээ муухан дуулдаж байгаагаар багцаалан бодоход шоронд хоригдсоор гурван хоног илүүтэй сууж байна уу даа гэж таажээ. “Цог” сэтгүүл., шоронгийн хуяг [хуучирсан] (хэрэгтнийг хорих газрын харгалзагч), шоронгийн харгалзагч (шоронгийн харгалзах үүрэгтэн, хуяг) - Энэ үед Дамдин шоронгийн хуяг болж, шоронгийн хашаанд нүүж ирсэн юм. Д.Гонгор нар. Д.Сүхбаатарын тухай дурдатгалууд., шоронгийн харуул (шоронгийн хуяг) - Шөнө нь Чамарбайн шоронгийн харуулыг отож, ахыгаа гаргаж авах арга хайж өдий боллоо. М.Дэмчигжав. Мэдээ хүргэгч Дампил., шоронгийн хоригдол (ял шийтгэгдэж хорионд байгаа хүн) - Энэ бүхнээ эргэн санахад шоронгийн хоригдлуудад хатуу зүрх гаргаж чаддаггүй ажээ. Л.Түдэв. Алтан гадас чигийг заана., *шоронгийн хадаас бол (шоронд насаараа суу), *шоронгийн тав (шоронд хоригдогч, шоронд суугч), орон шорон [хоршоо] (гэмт хэрэгтэнг хорин цагдах, ял эдлүүлэх газар), шорон гяндан [хоршоо] (хэрэгтэнг чандлан хорих газар) - Шорон гянданд хоол ундгүй хоригдохтой адилтгаж болох тийм зовлон шаналгаа алга байна. П.Лувсанцэрэн. Хөдөөгийн дуун.

• шоронд орох - гэмт хэрэг үйлдэн ял авч гянданд хоригдох
• шоронд суух - шоронд орох
• шоронд хоригдох - гянданд ял эдлэх
• шоронгийн хуяг - хэрэгтнийг хорих газрын харгалзагч
• шоронгийн харгалзагч - шоронгийн харгалзах үүрэгтэн, хуяг
• шоронгийн харуул - шоронгийн хуяг
• шоронгийн хоригдол - ял шийтгэгдэж хорионд байгаа хүн
• шоронгийн хадаас бол - шоронд насаараа суу
• шоронгийн тав - шоронд хоригдогч, шоронд суугч
• орон шорон - гэмт хэрэгтэнг хорин цагдах, ял эдлүүлэх газар
... үргэлжлүүлэн харах ...
шорон гяндан - хэрэгтэнг чандлан хорих газар

ШОРОН I