ХҮРЭЭЛЭН  

1. Шинжлэх ухааны аливаа салбар ухааныг судлах эрдэм шинжилгээний байгууллага: судар бичгийн хүрээлэн дэлгэрэнгүй...[хуучирсан] (номын хүрээлэн, судлах газар) - Улаанбаатар дахь Судар бичгийн хүрээлэнгийн номын санд эдгээр үлгэрийн бичмэл дэвтэр хэд хэдийг үзээд... Б.Ринчен. Өмнө этгээдэд зорчсон тэмдэглэл., Шинжлэх ухааны хүрээлэн [хуучирсан] (шинжилгээ судалгааны төв газар) - Бас тус улсын шинжлэх ухааны хүрээлэнгээс урьдын монгол хэлний зарим нэгэн сонирхол бүхий зохиолуудыг хэвлэсээр ирсэн байдаг бөлгөө. С.Буяннэмэх. Түүвэр зохиол., Хэл зохиолын хүрээлэн (Монгол үндэстний хэл болон утга зохиолыг судлах эрдэм шинжилгээний байгууллага);

---

2. Цэцэг жимс, ургамал амьтныг үржүүлэн өсгөх үзмэрийн газар: амьтны хүрээлэн (зэрлэг болон ховордсон амьтныг тусгайлан үржүүлэх, дэлгэрэнгүй...судлан шинжлэх, нийтэд сонирхуулж үзүүлэх зэрэг эрдэм шинжилгээ, үйлчилгээний цогц байгууллага);

---

3. Нийтийн тоглоом наадам, цэнгээн зугаалгын газар: цэнгэлдэх хүрээлэн (биеийн тамир, урлагийн үзвэр үзүүлэх олон нийтийн газар) дэлгэрэнгүй...- Зах дээрээс тэр хоёр гарч явсаар, ардын цэнгэлдэх хүрээлэнд очиж бөхийн барилдаан сонирхов. С.Лочин. Сэтгэлийн өнгө., цэцэрлэгт хүрээлэн (тусгай засаж тохижуулсан, амралт зугаалгын цэцэрлэг бүхий талбай) - Цэцэрлэгт хүрээлэнгийн алсыг харагч дугуй аварга их галт бөмбөлөг өнхрөн байгаа адил эргэлдэх бүр ч сүртэй атлаа сонин. С.Лочин. Сэтгэлтийн өнгө., орд хүрээлэн [хоршоо] (нийтээр хуран цуглахад зориулсан том барилга байшин).

---

• судар бичгийн хүрээлэн - номын хүрээлэн, судлах газар
• шинжлэх ухааны хүрээлэн - шинжилгээ судалгааны төв газар
• Хэл зохиолын хүрээлэн - Монгол үндэстний хэл болон утга зохиолыг судлах эрдэм шинжилгээний байгууллага
• амьтны хүрээлэн - зэрлэг болон ховордсон амьтныг тусгайлан үржүүлэх, судлан шинжлэх, нийтэд сонирхуулж үзүүлэх зэрэг эрдэм шинжилгээ, үйлчилгээний цогц байгууллага
• хүрээлэн буй орчин - биднийг хүрээлэн орших амьд болон амьгүй зүйлс орших орон зай
• цэнгэлдэх хүрээлэн - биеийн тамир, урлагийн үзвэр үзүүлэх олон нийтийн газар
• цэцэрлэгт хүрээлэн - тусгай засаж тохижуулсан, амралт зугаалгын цэцэрлэг бүхий талбай
• орд хүрээлэн - нийтээр хуран цуглахад зориулсан том барилга байшин

Холбогдох зураг одоогоор алга байна.