ХҮРЭЭЛЭХ  

1. Юманд хүрээ татах, хийх: бичгийн ташаа бурааг хүрээлэх (бичгийн алдааг дугуйруулан зурж засах), дэлгэрэнгүй...зураг хүрээлэх (зураг жаазлах), цонх хүрээлэх (цонхонд хүрээ хийх) - Есөн давхар урт байшингийн тагт цонхыг цагаанаар хүрээлэн хөх цэнхэр дэвсгэр хийсэн нь өнгө хоршиж байв. М.Чойжил. Андын нутаг алсдахгүй;

---

2. Хүн, юмыг тойрч байх: тойрсон чанартай түшиг тулгуур болох -дэлгэрэнгүй... Улиастайн байшингийн өмнө орос иргэд шинэ гүйцэтгэх хорооныхоо дарга нарыг хүрээлэн ёслолын байдлаар зогсоцгоов. Л.Түдэв. Улаан долгион., хүрээлэн хамгаалах (хүрээ үүсгэн юмыг хамгаалах) - Манай улс хил хязгаараа цэргээр хүрээлэн хамгаалж байгаа. Ц.Уламбаяр. Зовлон жаргал., тойрон хүрээлэх (а. Дугуйран зогсоцгоох - Хамт зургаа авхуулах, дурсгалын гарын үсэг зуруулж авах гээд хүмүүс тэднийг аль хэдийнээ тойрон хүрээлсэн байв. М.Чойжил. Андын нутаг алсдахгүй; б. [шилжсэн] Эрхтэн дархтныг зусардан дагалдах), удирдлагаа хүрээлэх (дарга, удирдах хүнээ хүндэтгэн үзэх);

---

3. Дугуйрч хүрээ болох - Дүрвэсэн айлууд байлдсан цэргүүдтэй хамт хүрээлж хонов. Монголын нууц товчоо., дэлгэрэнгүй...мөөг хүрээлэх (мөөг, дугуй хүрээ үүсгэн ургах);

---

4. Хүрээтэй болох - Тэртээ зүүн өмнөх тэнгэрийн хаяагаар таван өнгийн солонго давхар давхар хүрээлэн татсан үзэгдэнэ. Ж.Дамдин. Миний монгол., нар хүрээлэх (агаар мандал дахь мөсөн талстуудад, нарны гэрэл хугарч ойсноос, нарны эргэн тойронд тойрог үүсэх) - Нар хүрээлэхээр хүйтэрдэг гэдэг байх аа. Н.Банзрагч. Зам., Нар ойроор хүрээлэв үү, холуур хүрээлэв үү. ААЗ; сар хүрээлэх (сарны гэрэл, мөсөн талст бүхий үүлсийг нэвтлэхэд, гэрлийн хугарал үүсэж, сарны эргэн тойронд бүдэг гэрэлтэй солонгон цагариг бий болох) - Сар хүрээлж, салхи жаварлав. Ч.Лхамсүрэн. Шүлэг., Сар хүрээллээ, саарал азарганыхаа нэмнээг авъя, нар хүрээллээ, навтас хөдсөө бэлдье. ААЗ;

---

5. [шилжсэн] Талархан дэмжиж, баясан дагах: төр засгаа тойрон хүрээлэх (ард түмэн төр засгийнхаа бодлогыг талархан дэмжих).

---

• бичгийн ташаа бурааг хүрээлэх - бичгийн алдааг дугуйруулан зурж засах
• зураг хүрээлэх - зураг жаазлах
• цонх хүрээлэх - цонхонд хүрээ хийх
• хүрээлэн хамгаалах - хүрээ үүсгэн юмыг хамгаалах
• тойрон хүрээлэх - а. Дугуйран зогсоцгоох; б. [шилжсэн] Эрхтэн дархтныг зусардан дагалдах
• удирдлагаа хүрээлэх - дарга, удирдах хүнээ хүндэтгэн үзэх
• мөөг хүрээлэх - мөөг, дугуй хүрээ үүсгэн ургах
• нар хүрээлэх - агаар мандал дахь мөсөн талстуудад, нарны гэрэл хугарч ойсноос, нарны эргэн тойронд тойрог үүсэх
• сар хүрээлэх - сарны гэрэл, мөсөн талст бүхий үүлсийг нэвтлэхэд, гэрлийн хугарал үүсэж, сарны эргэн тойронд бүдэг гэрэлтэй солонгон цагариг бий болох
• төр засгаа тойрон хүрээлэх - ард түмэн төр засгийнхаа бодлогыг талархан дэмжих

Холбогдох зураг одоогоор алга байна.