ХАЗАХ  

1. Хүн, амьтан шүдээр юм зуух, эмтлэх: ааруул хазах (ааруул шүдээр таслах), дэлгэрэнгүй...боов хазах (боорцог шүдээр зуух), тас хазах (хоёр хэсэг болгон хазах), нохой хазах (нохой урах, нохой шүдээрээ бусдыг гэмтээх), *хазахаас бусдыг хийдэг (бөхийн ямар ч мэхийг чадамгай хийдэг) - Боохой хазахаас бусдыг хийдэг аюултай хүн дээ гэж бөхчүүдийн яриа дуусаагүй байхад Насан гараа хэд үрчхээд очив. Д.Цэдэв. Улаан хамбан зодогт буюу тавын даваа., *хэлээ хазах (а. Дуугүй байх, дуугүй болох - Раднаа дургүй нь хүрч, хариу хэлэх гэснээ уулзсан бүртэйгээ хэрэлдэж явдаг гэж Хишгээ нь олон удаа сануулан хэлснийг санан хэлээ хазав. Н.Банзрагч. Жилийн дөрвөн улирал; б. Эрхлэн ярьж ядах - Би танд гэгээн царайтай харагдах сонин байна, ноён Дамба гуай гээд наалинхайран суугаагаараа мэхийв. Хөгшин хүүхний хэлээ хазаж маяглах нь зохимжгүй гэж яана. Ж.Пүрэв. Гурван зангилаа), хазах гэхэд тохой хол, харах гэхэд чих хол [зүйр цэцэн үг] (чадал хүрэхгүй байх, хясах гэсэн санаа);

---

2. Шавж хорхойн хатгах: шумуул хазах (хүн, амьтныг шумуул хошуугаараа хатган цусыг нь сорох), хорхой хазах (хорхой дэлгэрэнгүй...хатгах);

---

3. Зарим юмны зуух, хавчих: бахиар хазах (бахиар хавчих), хайч хазах (хайч юм даахгүй болох, хэгэх).

---

• ааруул хазах - ааруул шүдээр таслах
• боов хазах - боорцог шүдээр зуух
• тас хазах - хоёр хэсэг болгон хазах
• нохой хазах - нохой урах, нохой шүдээрээ бусдыг гэмтээх
• хазахаас бусдыг хийдэг - бөхийн ямар ч мэхийг чадамгай хийдэг
• хэлээ хазах - а. Дуугүй байх, дуугүй болох; б. Эрхлэн ярьж ядах
• хазах гэхэд тохой хол харах гэхэд чих хол - чадал хүрэхгүй байх, хясах гэсэн санаа
• шумуул хазах - хүн, амьтныг шумуул хошуугаараа хатган цусыг нь сорох
• хорхой хазах - хорхой хатгах
• бахиар хазах - бахиар хавчих
... үргэлжлүүлэн харах ...
хайч хазах - хайч юм даахгүй болох, хэгэх

Холбогдох зураг одоогоор алга байна.