1. Тэгш биш, хэлтгий, хэвгий: хазгай газар (хэвгий газар) -дэлгэрэнгүй... Хазгай газар майхнаа шаачихсан байдаг байх шүү. Н.Банзрагч. Зам., хазгай ширээ (тэгш бус ширээ), хазгай хэвгий [хоршоо] (хэлтгий, тэгш бус), хазгай музгай [хоршоо] (тэгш биш, хэлтгий);
2. Зөрүү, гажуу, муруй:
хазгай зам (муруй зам, дөт биш зам);
3. Эндүү, ташаа, буруу, осол эндэлтэй:
хазгай гишгэх (а. Буруу гишгэх; б. [шилжсэн] Буруу зүйл хийх, эндэл гаргах, буруудах),
дэлгэрэнгүй... хазгай явдал (буруу явдал) - Хазгай явдалтай муу хаанууд дайсанд харагдвал хайрлагч сайн хаанд амиа шургах болъюу. Субашид., хазгай явдалтай (буруу явдалтай) - Дугар нэг л хазгай явдалтай байгааг анзаарсангүй. Н.Банзрагч. Зам., хазгай хэлэх (буруу хэлэх; ташаа хэлэх), хазгай сонсох (буруу сонсох, ташаа сонсох) - Арандал хазгай сонссон нь тодорхой болжээ. Б.Нямаа. Арандалынхан., хазгай ташаа [хоршоо] (андуу ташаа, эндүү) - Сонсогч олныг хүндэтгэдэггүй хазгай ташаа хэлдгээ засаж авахыг хичээгүүштэй. Б.Ринчен. Марк Твений минь махыг нь идэж дээ., хазгай хузгай [хоршоо] (буруу ташаа), хазгай буруу ~ буруу хазгай [хоршоо] (андуу, эндүү ташаа, зөв биш) - “Нэгдэлд ийм юм байх ёсгүй баймаар даа” гэж бухимдан энэ тухай нэгдлийн дарга нарт хэлье үү гэж бодовч буруу хазгай юм хэлчих болов уу гэж айдаг байв. Д.Гармаа. Араншин;
4. [шилжсэн] Буруу, хар, хуурмаг:
хазгай санах (хар санах),
хазгай бодох (буруугаар бодох, эндүүрэх) -
дэлгэрэнгүй...Доржид хазгай санасан хүн байсан юм болов уу даа. Ж.Пүрэв. Гурван зангилаа., *хазгай гишгэх (хэрэг хийх, буруу зүйл хийж алдаа гаргах) - Доосог амаа барьснаа, -Ээ цөмөөрөө Сүхээ болон өнөөх болдоггүй гэгдсэн хэдийгээ хазгай гишгэх болгоныг нь тоолж байгаад цэргээс аль нэг аргаар холдуулах юм уу, эсвэл ял янханд унагааж тэднээс салж явъя. Л.Түдэв. Алтан гадас чигийг заана., *мордохын хазгай (хэрэг явдал эхнээсээ буруудах, бүтэлгүйтэх) - Манай ажил яагаад мордохын хазгай болчхов оо? гэж Балдан элдвийг бодон гэдрэг харж гараа салаавчлан энэ тэрийг бодно. Д.Даржаа. Нөхөд., *ам хазгай (олноор муу хэлдэг, олонд нэр нүүргүй) - Тэр маш зальтай, ер нь өнөөдөр цагаан гэж байснаа маргааш нь хар гэж өөрт нь аль ашигтай талынхны үзлийг дагах зальтай хүн гэж ам хазгай боловч зарлигаар томилсон сайд аман дотроо муушаан буруушаахаас татан авч хаях аргагүй. Б.Ринчен. Сандо амбан., мордох нь хазгай бол морилох нь хазгай [зүйр цэцэн үг] (ажил хэрэг эхнээсээ буруудвал үр дүн нь бас бурууддаг гэсэн санаа);
5. [шилжсэн] Хааш яаш, салан задгай:
хазгай муруй (а. Тэгш биш; б. Зөв биш -
дэлгэрэнгүй... Би таны өөдөөс ганц ч удаа буудаагүй хатантан мэднэ гэж хазгай муруй хэлээр ээрэн өгүүлээд тонголзон мөргөлөө. Б.Догмид. Нэхэл хатуу орчлон; в. [шилжсэн] Хааш яаш).
