1. Гарын бугалга, шуутай нийлэх үе - Амар байна уу? Та хэмээн өвгөний тохой дороос хоёр гарын алгыг дээш харуулан дэлгэрэнгүй...өргөсхийн тулав. Л.Дашням. Бурхантын цэцэг., тохойгоо нугалах (гараа тохойгоор нь эвхэх), тохой нийлэн суух (нэг ширээнд зэрэгцэн суух), тохойгоо гэмтээх (гарын тохой хэсгээр гэмтээх), тохой зөрүүлэх (золгох), өвдөг тохой [хоршоо] (гарын бугалга шуутай нийлэх хэсэг болон хөлийн дунд чөмөг шаант хоёрын уулзвар), *тал тохой татах (ах дүү, хамаатан садан, танилаа дотночлон үзэх, бусдаас илүү үзэж хэрэг явдлыг нь ёс бусаар бүтээж өгөх) - Тамгын газрынхан тал тохой татан Жамъян бэйсийг зөвтгөнө. Ц.Уламбаяр. Зовлон жаргал., *тохой өндөр байх (бусдаас авьяас, мэдлэг чадвар илүү байх), тохой зөрүүлэн барилцаж толгой нийлүүлэн нөхөрлөх [зүйр цэцэн үг] (сайн анд нөхөр болох гэсэн санаа), тохой хугаравч ханцуйдаа [зүйр цэцэн үг] (аливаа муу зүйлээ хэт дэвэргэлгүй өөр хоорондоо ярилцан засах гэсэн санаа), тохой зөрүүлэн барилцаж, толгой нийлүүлэн нөхөрлөх [зүйр цэцэн үг] (сайн анд нөхөр болох гэсэн санаа);