1. Эмээлийн гөлмийн дор жийрэглэн тохох зөөлөн эсгийгээр хийсэн зөөлөвч - Май! Үүнийг тохоод яв гэж шар ширэн дэлгэрэнгүй...гөлөмтэй, ясан хяртай, хүрэн цэмбэн олонцогтой эмээлийг тохомтой, чөдөртэй нь өгсөн билээ. П.Лувсанцэрэн. Хөдөөгийн дуун., тохом алаг (малын нуруун дээрх тохом тохсон мэт алаг зүсэм), тохом татах (хөлөрсөн морины эмээлийг авахдаа сүүдэр цохихоос хамгаалан, тохмыг нь үлдээж даруулах), тохом эгшээх (бэр буулгах үед хүүхний талынхныг мордуулах), тохом эмээл (зөөлөвчтэй эмээл), тохмын хайдаг (дөрөөний сурын халхавч), тохмын хөлс (тохмын хэмжээгээр малын нуруунд тогтсон хөлс), эсгий тохом (эсгийгээр хийсэн зөөлөвч), ширэн тохом (ширээр хийсэн зөөлөвч), тохом тохоотой, тор өлгөөстэй [зүйр цэцэн үг] (бүх юм байрандаа байна гэсэн санаа), тохомгүй эмээлийг тохож болдоггүй, тогтворгүй хүнийг итгэж болдоггүй [зүйр цэцэн үг] (тогтворгүй зантай хүнд бүү итгэ гэсэн санаа);