Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

СУВАГ I

1. Усны урсгалд элэгдэн гарсан нарийн гуу: уулын суваг (уулын усны нөлөөгөөр үүссэн хуурай голдрил), дэлгэрэнгүй...

2. Ус урсгахаар ухсан нарийн гуу, шуудуу: сувгийн ёроол (сувгийн доод хэсэг) - Буян сувгийн ёроолд түр хэвтээд ухаан балартахаа дэлгэрэнгүй... Л.Түдэв. Уулын үер., тарианы суваг (тариа услах зорилгоор хийсэн нарийн гуу), татаал суваг (тариа, ногоо услахаар татсан шуудуу), суваг дагах (суваг гаргасан хэсгийг даган явах), суваг малтагч (суваг ухаж буй хүн), суваг малтах (суваг ухах) - Юуны урьд суваг малтах ажилдаа орцгооё. Л.Түдэв. Нүүдэл., суваг татах (нэг газраас нөгөө газар хүртэл шуудуу ухах) - Би хуучин хаврын дунд сарын сүүлчээр тариалангийн газрыг услах шуудуу суваг татахаар төмөр хүрз барин... Ж.Дамдин. Миний монгол., суваг ухах (ус урсгах зорилгоор нарийвтар шуудуу гаргах) - Суваг ухах ажил урагш муутай байлаа. Л.Түдэв. Нүүдэл., гуу суваг [хоршоо] (ус урсгах гэж зориудаар ухсан болон үер усны нөлөөгөөр үүссэн шуудуу) - Мөлхөөд гарах гуу суваг ч байхгүй. Ж.Дамдин. Үймээний жил., суваг хоолой [хоршоо] (а. Ус урсгах шуудуу; б. Хоёр нуурыг холбосон гол горхи), суваг шуудуу [хоршоо] (ус урсгах зориулалтаар ухсан гуу, хоолой) - Байшин хашаа урт суваг шуудууг харж явлаа. Ж.Пүрэв. Гурван зангилаа.

уулын суваг	уулын усны нөлөөгөөр үүссэн хуурай голдрил
жалга суваг	бороо усанд элэгдсэн гүн гуу
сувгийн ёроол	сувгийн доод хэсэг
тарианы суваг	тариа услах зорилгоор хийсэн нарийн гуу
татаал суваг	тариа, ногоо услахаар татсан шуудуу
суваг дагах	суваг гаргасан хэсгийг даган явах
суваг малтагч	суваг ухаж буй хүн
суваг малтах	суваг ухах
суваг татах	нэг газраас нөгөө газар хүртэл шуудуу ухах
суваг ухах	ус урсгах зорилгоор нарийвтар шуудуу гаргах
гуу суваг	ус урсгах гэж зориудаар ухсан болон үер усны нөлөөгөөр үүссэн шуудуу
суваг хоолой	а. Ус урсгах шуудуу; б. Хоёр нуурыг холбосон гол горхи
суваг шуудуу	ус урсгах зориулалтаар ухсан гуу, хоолой