Ижил үг:

МЯГМАР I

Ангараг нь нарны аймгийн дөрөв дэх гараг бөгөөд хэмжээгээрээ хоёр дахь жижигхэн гараг юм. Хоёр дагуултай бөгөөд хөрст гариг. Уг гариг нь маш нимгэн нүүрсхүчлийн хийгээс тогтсон агаар мандалтай. Дэлхийгээс илүү хүйтэн байдаг нь Нарнаас алслагдсан байдагтай холбоотой. Уг гаригийн туйлууд дээр нь мөс байгааг тогтоосон бөгөөд эрдэмтэд уг гараг дээр эрт үед их хэмжээний ус байсан гэж үздэг. 2015 онд уг гарагийн гадарга дээр зөвхөн дулааны улиралд урсдаг урсгал ус буйг тогтоосон. Нарны аймгийн хөрст гаригууд (зүүн гар талаас): Буд, Сугар, Дэлхий, Ангараг Ангараг гаригийн радиус нь Дэлхийн радиусын хагастай, жин нь 1/10-тэй тэнцэнэ. Ангараг гаригийн улаан өнгө нь түүний гадаргуу дээр өргөн тархалттай байдаг төмрийн усан исэл буюу гематиттэй холбоотой. Ангараг гаригийн англи нэр болох Mars нь Ромын дайны бурхны нэр юм. Монголчууд "Улаан нүдэн гариг" гэж нэрлэх нь бий.

Нарны амйгийн 4 дэх гариг бол ангараг гариг юм. Энэ гаригыг эртний Египтийн үеэс хүн төрөлхтөн судалж эхэлжээ.Хэдийгээр хүний хөл энэ гариг дээр хүрээгүй ч гэсэн хүн төрөлхтний хамгийн их судалсан гариг бол ангараг гариг билээ. Мөн хүний бүтээсэн робот болох "Спирит","Оппортьюнити", "Кьюриосити" нь бидэнд маш их хэмжээний зураг болон мэдээлэлүүдийг илгээсэн. Судалгаа үргэлжилсээр 2022 он гэхэд анхны хүнийг тус гариг руу илгээхээр судалгаа шинжилгээний ажил хийгдэж байна.2022 онд Ангараг гариг руу явах анхны экспедицэд гишүүн нь болохоор 100000 хүн хүсэлтээ гаргаад байгаа юм байна. Харин энэхүү аялал нь буцаж эх дэлхийдээ ирэхгүй нөхцөлтэй аялал юм байна. Жич:Ангараг гариг нар жаргахдаа цэнхэр өнгө татуулж жаргадаг.

Зочин 2016-03-22 23:30:57