1. Бугынхан овгийн, олон салаа эвэртэй хос туруут, хөхтөн, хэвэгч амьтны ерөнхий нэр: буга урамдах дэлгэрэнгүй...(бугын эр нь орооны цагтаа уриадан дуугарах), буга хүрээлэх (зун цагт буга сүрэглэх), бугын цусан эвэр (хавар хуучин эвэр нь унаж, шинээр бүрэлдэн ургаж буй эвэр), бугын ясан эвэр (бугын намар, өвөл, хаврын эвэр), дайр буга (эр буга), тураг буга (бие гүйцсэн том буга), цаа буга (бугынхан овгийн нэгэн төрөл, эр эм хоёул эвэртэй нэг зүйл буга; буган цаа), хойдын буга (цаа буга), цөх буга (гурван настай эр буга), шоо буга (бие бага, өнгө улаавтархан, толботой цоохор зүстэй нэгэн зүйл буга), буга согоо [хоршоо] (бугын эр эм хамтдаа) - Будант уулыг авлам та, буга согоог алам та. Лувсанданзан. Алтан товч., өндрөөс буга урамдахад өлөнгөөс согоо гарах [оньсого] (тэнгэр дуугарч бороо орох), буга гөрөөс булгаа мартдаггүй, болжмор шувуу бургасаа мартдаггүй [зүйр цэцэн үг] (хүний ач тусыг мартаж болохгүй гэсэн санаа);