1. Урьдын хүмүүс, урьдын үйл явдлын тухай мэдээлэл: хууч домог (түүхэн хүмүүс, түүхэн үйл явдал, дэлгэрэнгүй...газар нутгийн тухай, үеэс үед уламжлагдан ирсэн аман яриа буюу аман зохиолын нэгэн төрөл зүйл), хууч үг (эцэг өвгөдөөс уламжлагдаж ирсэн сургаал үгс), хууч хөөрөх (эрт урьдын юмыг ярилцаж суух) - Нагац ах, авгай хоёр, манай ээж гурвуул гэрийн сүүдэрт суугаад цай ууж, хууч хөөрч суув. Ц.Дамдинсүрэн. Түүвэр зохиол., хууч яриа (эрт урьдын юмны тухай яриа) - Нэгд нэгэнгүй асууж, хууч яриа дэлгэмээр санагдлаа. Д.Цэдэв. Айргийн амт., хууч ярих (өнгөрсөн үйл явдлын тухай хүүрнэн хэлэлцэх) - Би чамд нэг хууч ярья. Ч.Чимид. Хавар намар., хуучаа ярих гээд хулгайгаа ярих [зүйр цэцэн үг] (ам хадуурч байж гэнэ алдах гэсэн санаа); 2.Архаг өвчин: хууч хөдлөх (архаг өвчин сэдрэх), хууч өвчин (архагшиж тогтсон өвчин) - Сэтгэл санаа баахан хямарсан ба архаг хууч өвчтэй байсны шалтгаар 1918 онд нас баржээ. Ц.Дамдинсүрэн. Мандах нартай үлгэрлэе., өвчин хууч [хоршоо] (удаж архагшсан эмгэг) - Өвчин хуучид дийлэгдэн бие нь доройтсон байлаа. Ч.Чимид. Хавар намар., эмгэг хууч [хоршоо] (өвчилсний дараа хүн, амьтны биед архагшиж тогтсон гэм).