1. Үгтээх, чангаах - Хаалгыг нь татах гэснээ больж хэд уртаар хашхираад чагнатал нэлээд хол хүний дуу дахин бүдэг дэлгэрэнгүй...сонсогдов. Ч.Алагсай. Алтайн зам., гадагш нь татах (гадна тийш нь чангаах, зулгаах), гэдрэг татах (ар тийш нь чангаах), морины ам татах (морины ам чангаан зогсоох), нум татах (нум хөвчлөн чангаах), өрх татах (өрхийг гэдрэг нь сөхөх) - Үүр гэгээрэхийн үесээр тогтсон зангаар босоод өрхөө татаж тулгандаа гал ноцоов. Ш.Нацагдорж. Мандхай цэцэн хатан., хойш нь татах (юмыг ар тийш чангаах), эсгий татах (зулсан эсгийгээ хуйлан чирч боловсруулах) - Дөрөв дөрвөн мориор гурван зэрэг эсгий татах бөгөөд нэгэнд нь Хонгор гурван залуугийн хамт явна. Ч.Лодойдамба. Тунгалаг Тамир., суга татах (огцом татах, мулт татах), татах түлхэх [хоршоо] (а. Юмыг хүчлэн нааш цааш болгох; б. [шилжсэн] Урваж шарвах, зангаа хувиргах, бусдыг гадуурхах), татах чангаах [хоршоо] (а. Юмыг үгтээн нааш болгох; б. [шилжсэн] Хүнийг элдвээр туршин оролдох, эргүүлэх); *солби татах (хүйтэн харцаар ширвэн харах), *сэтгэлээ татах (хүсээгүй боловч санаж мөрөөдөж байсан зүйл, хайрлаж дурласан хүнээ өөрийн эрхгүй орхих) - Хорлоо түүний байдлыг мэддэг хэр нь сэтгэлээ татаж авч чадсангүй. Д.Батбаяр. Цахилж яваа гөрөөс., *аавын хаалга татах (шоронд орох), татавч тасрахгүй, матавч хугарахгүй [зүйр] (маш бөх бат гэсэн санаа);