Юм гөвөх, савах нарийн мод - Цэргийн аливаа хүний зүрх шантарвал занчихын тул хүн дэлгэрэнгүй...бүрд арван саваа үүрүүлж, эр бүрийг сүх, ооль, хөрөө, цүүц зэргээр зэвсэглүүлээд... Монголын нууц товчоо., ноосны саваа (унгас ноосыг савахад хэрэглэх нарийн мод), бургасан саваа (юмыг савж гөвөх, цохиход зориулан хийсэн бургасан мод) - Хүүхдүүдийг тун аяархан боловч шүд зуун, заналтай дуугаар загнаж, бургасан саваагаа далайн сүрдүүлэв. Б.Нямаа. Арандалынхан., нойтон саваа (нойтон бургас зэргээр хийсэн нарийн мод) - Бид тийм хүнийг нойтон саваагаар улаан гувруу болтол ороолгож залхууг нь арилгадаг юм. Л.Түдэв. Алтан гадас чигийг заана., саваа хоёр үзүүртэй, сайн муу ямар ч болж мэднэ [зүйр цэцэн үг] (аливаа зүйл хоёр талтай бөгөөд яаж ч ‎эргэж болдог г‎эсэн санаа), самбай байгаад залж ирсэн биш, саваа байгаад гуядаж ирсэн биш [зүйр цэцэн үг] (сайн дураараа ирсэн гэсэн санаа).