1. Энх тунх, амар амгалан байдал: мэнд давах (мэнд өнгөрөх), мэнд өнгөрөх (ямар дэлгэрэнгүй...нэгэн саад тотгорт өртөгдөхгүй өнгөрөх) - Энэ хавийн харуулыг мэнд давбал айх юмгүй. Г.Дүйнхэржав. Арилшгүй мөр., онд мэнд орох (өнгөрөгч оныг амар тайван гарз хохиролгүй туулж өнгөрөөх), эрүүл мэнд [хоршоо] (бие махбодын хэвийн үйл ажиллагаа), эрүүл мэндийн байдал (хүний биеийн байдал), эрүүл мэндийн дэвтэр (биеийн байдлыг тодорхойлсон бичиг), мэнд амар [хоршоо] (а. Тайван амгалан; б. Мэндлэх үг) - Түшмэл хүн хүрч ирээд, мэнд амаргүй шуудхан л… загнаж гэнэ. Монгол ардын үлгэр., амьд мэнд [хоршоо] (өвчин зовлонгүй) - Миний ачит эх эцгийн амьд мэндийг мэдэж ирнэ үү? Б.Ян. Чингис хаан., эсэн мэнд [хоршоо] (эрүүл саруул) - Мөн зочин гийчин бүгдийн эсэн мэндийн төлөө гэж уусаар бүгд ихэд халамцав. А.Толстой. Мөнгөн ноён., эсэн мэнд буух (өндөр зүйл ба онгоцноос эрүүл саруул буух), энх мэнд [хоршоо] (өвчин зовлонгүй байх), *мэндийн босго (сүүлд орох, хоцрох), хонь нь ч мэнд, чоно нь ч цатгалан [зүйр цэцэн үг] (амар тайван байдалтай гэсэн санаа);