Нар шингэж, хараахан харанхуй болоогүй үе: бүрий болох (үдэш болж гэгээ тасрах) - Үдэш нэгэнт дэлгэрэнгүй...бүрий болсон тул энэ өртөөнд хоноглох боллоо. Ж.Дамдин. Үймээний жил., бүрий тасрах (харанхуй болох), бүрий барай ~ барай бүрий [хоршоо] (а. Үдэш, үүрийн гэрэл гэгээ дутмаг үе; б. Тодорхойгүй - Дотроо бүрий барай нэгэн сэжиг төрөх мэт болсныг хамт марталцав. Ж.Верн. Арван таван наст капитан), бүрий баруй ~ баруй бүрий [хоршоо] (алсын юм бүрэг бараг үзэгдэх үе) - Бүрий баруй болж модон дотор харанхуй болох гэдэг нь... Чехийн эртний домог тууж., бүрий бүдэг [хоршоо] (бүрэнхий бүдэг) - Тэр цас мөсний цаг, бүрий бүдгийн үе. Чехийн эртний домог тууж., бүрий харуй ~ харуй бүрий [хоршоо] (харанхуй бүрэнхий).