Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

БОРВИ I

1. Шагайт амьтны шагайн доорх бяцхан яс: борвины яс (шагайн доорх яс), борви тойг дэлгэрэнгүй...

2. Хүний өсгийн дээд бүдүүн шөрмөс, тахилзуур орчмын газар - Бор өргөөний Бойдаа гэгч борви нахилзан мэхэлзэв. борви тасрах (тахилзуур орчмын шөрмөс тасрах), *борви бохирох завгүй (түр амрах завгүй, амсхийх чөлөөгүй) - Маргааш нь Цэвэлжид, Өлзиймаа борви бохирох завгүй байлаа. С.Дашдооров. Говийн өндөр., *борви бохис хийх чөлөөгүй (амс хийх чөлөөгүй ажилтай байх) - Долингор, Болдын зөвхөн адууг адуулах төдий биш бусад тэмээ хариулах ба гэрийн хар ажил зэргийг бас оролдох тул борви бохисхийх чөлөөгүй. Ц.Дамдинсүрэн. Гологдсон хүүхэн., *борви тэнийх (өсөж торних) - Би эмэг эхийн гар дээр борви тэнийсэн бөгөөд сургуулийн босго алхан алхталаа өврөөс нь гараагүй юм. Д.Цэдэв. Эмээ., *борвио чирэх (хөдөлж ядах, залхуурах), *борвины нь баас арилаагүй (бага балчир, дэндүү залуу, туршлагагүй);

3. [хуучин] Өлмий: борви өндийх (а. [хуучин] Өлмий дээрээ гишгэх; б. [шилжсэн] Бие даан аж төрөх чадалтай болох)

4. [шилжсэн] Гутал, шаахайн дээд хэсэг: борви нь цоорох (гутлын шагай орчмоор цоорох), [доромж] борвиороо бор эсгий цувуулж, дэлгэрэнгүй... (уранхай гуталтай, ноорхой хувцастай);

5. [шилжсэн] Хүний мууг үзэх гэж ул мөрөөр нь гэтэж ажиглах нь: *борви шагайх (бусдын мууд дурлаж, өө хайх).

борвины яс	шагайн доорх яс
борви тойг	малын шагайн доорх болон дунд чөмөг шаантны уулзвар дээр байх бяцхан яс
борви шаант	шагайт чөмөгний яс
борви шийр	тойгны яс, шийр
борви шилбэ	шагайн доод талын яс болон шаант чөмөгний нарийн үзүүр хэсэг
борвиороо бор эсгий цувуулж, шагайгаараа шар эсгий цувуулагч	уранхай гуталтай, ноорхой хувцастай
борви тасрах	тахилзуур орчмын шөрмөс тасрах
борви бохирох завгүй	түр амрах завгүй, амсхийх чөлөөгүй
борви бохис хийх чөлөөгүй	амс хийх чөлөөгүй ажилтай байх
борви тэнийх	өсөж торних
борвины нь баас арилаагүй	бага балчир, дэндүү залуу, туршлагагүй
борви нь цоорох	гутлын шагай орчмоор цоорох