ЭНГЭР

1. Дээл хувцасны бүснээс дээших өвөр тал - Энгэр биеийг нь нулимс дэвтээжээ. Д.Пүрэвдорж. Шүлгүүд., энгэрийн зүүлт (энгэрт хатгах эмэгтэй хүний гоёл), энгэрийн товч (дээл хувцасны энгэр хэсэгт хадсан товч) - Магсаржав цамцны энгэрийн товчоо тайлж аягандаа бүлээн архи хийлгэв. С.Удвал. Их хувь заяа., энгэрийн хараа (дээлийн гадаад энгэрийн дээд талын товч хадах дүгрэглэсэн хэсэг), энгэрийн цаг (энгэрт зүүгээд өвөртөлж явдаг оосортой цаг) - Хэн нэг хүн дэлхийд анх удаа энгэрийн цаг бий болгосон. Б.Полевой. Эцсийн бүлэгт., энгэрийн шилбэ (дээл хувцасны энгэрийн хараанд хадах товчийг торгох гогцоо), гадаад энгэр (монгол дээлийн дотоод энгэрийн дээгүүр давхацсан товч бүхий хэсэг), дотоод энгэр (монгол дээлийн гадаад энгэрийн дотуур давхцах хэсэг), энгэр хормой [хоршоо] (дээл хувцасны дээд өвөр хэсэг болон доод хэсэг), энгэр заам [хоршоо] (дээлийн энгэр харааны уулзвар) - Энгэр заамаа ярж, том тэнзэн ташуур хөндөлдүүлэв. Ц.Уламбаяр. Зовлон жаргал., *энгэрээ мялаах (одон медалиар шагнуулах) - Элчин яамны газар залагдан, очиж энгэрээ цоолсон гурван жанжин ... сүртэй сайхан байлаа. С.Удвал. Их хувь заяа., *энгэрийн бөөс, эгмийн өргөс (сэтгэл санааны зовлон болсон ялимгүй зүйл);


2. Уул хярын өвөр тал: энгэр бэл (уулын өмнө хэсгийн доод тал) - Тийм энгэр бэлийн хул шар өвс хонгорцог доогуур ... арвагар хөх дэлгэрэнгүй... Б.Бааст. Алтайн хөх дөнөн., энгэр өвөр (а. Уулын наран тал; б. Уулын нөмөр хэсэг) - Үргэлжилсэн зүс бороотой өдөрт энгэр өвөр дагуулж малаа хариулах хэрэгтэй. Ж.Самбуу. Мал маллагааны арга туршлага., *энгэр газарт гарах (нас барах).

энгэрийн зүүлт энгэрт хатгах эмэгтэй хүний гоёл
энгэрийн товч дээл хувцасны энгэр хэсэгт хадсан товч
энгэрийн хараа дээлийн гадаад энгэрийн дээд талын товч хадах дүгрэглэсэн хэсэг
энгэрийн цаг энгэрт зүүгээд өвөртөлж явдаг оосортой цаг
энгэрийн шилбэ дээл хувцасны энгэрийн хараанд хадах товчийг торгох гогцоо
гадаад энгэр монгол дээлийн дотоод энгэрийн дээгүүр давхацсан товч бүхий хэсэг
дотоод энгэр монгол дээлийн гадаад энгэрийн дотуур давхцах хэсэг
энгэр хормой дээл хувцасны дээд өвөр хэсэг болон доод хэсэг
энгэр заам дээлийн энгэр харааны уулзвар
энгэрээ мялаах одон медалиар шагнуулах
энгэрийн бөөс ~ эгмийн өргөс

сэтгэл санааны зовлон болсон ялимгүй зүйл

энгэр бэл уулын өмнө хэсгийн доод тал
энгэр өвөр а. Уулын наран тал; б. Уулын нөмөр хэсэг
энгэр газарт гарах нас барах

Дээлийн энгэр заамыг бүрэн товчилж золгодгийн учир

Зочин 2021-04-27 11:33:51