Хатуу юмыг нааш цааш нь хөдөлгөн шажигнах чимээ гаргуулах, шар шар хийх чимээ гаргах: ор шажигнуулах дэлгэрэнгүй...(ор хөдөлгөн, шажиг шужиг хийх чимээ гаргуулах) - Минийх ч бас замхарч орхиж гээд Даланбаяр уртаар санаа алдан, ороо шажигнуулан эргэж хэвтэв. С.Лочин. Сэтгэлийн өнгө., цаас шажигнуулах (цаасыг хөдөлгөн шар шар хийх чимээ гаргах) - Илтгэгч өмнөө байгаа цаасыг шажигнуулан хөдөлгөнө. Н.Банзрагч. Зам., чүдэнз шажигнуулах (чүдэнз хөдөлгөн шар шар хийсэн чимээ гаргах) - Тэгснээ Аюурыг хэвтмэгц орныхоо урдах сандал дээр дэнгээ тавин унтрааж чүдэнзээ шажигнуулав. Ч.Алагсай. Алтайн зам., эрих шажигнуулах (эрих хөдөлгөхөд шар шар хийх чимээ гарах) - Том бад эрихээ шажигнуулан ширээн дээрх гуулин хүрдийг эргүүлж, аман дотроо дүнгэр дүнгэр маань уншиж суув. П.Хорлоо. Багш.