Биедээ олон бялцруутай нэг зүйл хоёр нутагтан, мэлхийтэй харьцуулбал мөч нь тэнцүүвтэр, бахим, бие нь тод хүрэн, дэлгэрэнгүй...зурвас толбо ихтэй: бах мэлхий (бялцруут мэлхий), бор бах (Нуруугаараа ихэвчлэн бор саарал, хул шарга үстэй, хэвлий нь хар толботой, сүүн шаргал өнгөтэй, 80 мм-ээс илүү гарсан биеийн урттай бах), дундад азийн бах (90 мм хүртэл урттай, хоолой, хэвлийн төгсгөл хэсгээр цулгуй цайвар цагаан, харин хэвлийн бусад хэсэгт жижиг бараа толбо байдаг бах), монгол бах (биеийн урт 74 хүртэл мм, арьс нь арзгар төвгөр ихтэй, нуруугаа дагаад цайвар судалтай, цөлийн бүсээс бусад бүх нутагт тохиолдох ч томоохон гол мөрнөөс зайдуу, тал хээрт, говь нутагт тохиолдох ч томоохон гол мөрнөөс зайдуу, тад хээрт, говь нутагт булаг, шанд, баян бүрдээр л байдаг бах), ногоон бах (биеийн урт 90 мм, урд хөлийн дөрөв дэх хуруу нь гурав дахь хурууны эхний үед хүрсэн байдгаараа монгол бахаас ялгардаг, зүс ногоовтор саарал, эмэгчний нуруун дээгүүр бараавтар хул, эрэгчнийх бүдэг сааралдуу толботой, уулын хээр, цөлийн баябүрдийн хуурай уур амьсгалтай нутагт нуга, намаг, жижиг булаг , шанд, голын эргээр байгч, өдөр ха чулууны доорх хөндий , мэрэгч амьтны нүх, өвс ургамлын завсар зайгаар орогноод шөнө идэшлэгч бах), үхэр бах (бие томтой, ар нуруундаа том жижиг олон бэрсүүтэй бах), бахын шүүс (бахын бижрүүнээс гарах цагаавтар хорт шүүс. Эмд ордог бөгөөд зүрх чангаруулах, өвдөхийг намдаах, цус гарахыг зогсоох зэрэг үйлдэлтэй).