Хэлбэр, янз байдал, маяг - Гэтэл тэр олон янзын хэв хутгыг хийхээр манай Гүнтэв гуай өдөр шөнөгүй халуун төмрөө дэлгэрэнгүй...нүдэн хөлс урсган суудаг юм даа. Л.Дашням. Нялх ногоо., хэв сайтай гэр (а. Унь, тооно, хана нь тохирсон гэр; б. Сайхан барьсан гэр) - Олны буянаар бүтсэндээ ч хэв сайтай хөөрхөн гэр болжээ. Л.Түдэв. Уулын үер., хэв нь эвдрэх (юм анхны хэлбэр байдлаа алдаж, загвартаа таарахгүй болох, янз муутай болох), хэвийн боов (цагаан сар болон аливаа баяр ёслолд зориулж, тусгай хэвд хэвлэж хийсэн боов: ул боов), хэвээ алдах (а. Хэв эвдрэх; б. Жирийн, энгийн биш болох), бичгийн хэв (үсэг бичих янз маяг), нэг хэвийн барилга (адил загвартай барилга), нэг хэвийн болгох (ижил загвартай болгох), бичгийн хэв (бичих янз маяг), үсгийн хэв (үсгийн янз байдал), хэв байдал [хоршоо] (юмны шинж байдал, янз төрх), хэв галбир [хоршоо] (а. Хүний биеийн төрх байдал; б. Юмны хийц маяг, загвар), хэв маяг [хоршоо] (юмны хэлбэр дүрс, байдал) - Ерөөлт гэрээ тойрон хэв маягийг ажиглаж явав. Л.Түдэв. Уулын үер., хэв маягийг нь тааруулах (хэлбэр байдлыг нь тааруулах), хэв намба [хоршоо] (юмны хэлбэр, төрх байдал), хэв төрх [хоршоо] (аливаа юмны хэлбэр байдал), хэв үлгэр [хоршоо] (амьд бодисын дүрсийг эвдэлгүй тусгай аргаар хадгалсан үзүүлэн таниулах үлгэр дүрс, загвар), хэв хэлбэр [хоршоо] (янз төрх), хэв шинж [хоршоо] (янз байдал), хэв шинжийг нь гаргах (нийтлэг дүр байдлыг нь гаргах, олж бичих), хэв янз [хоршоо] (хэлбэр дүрс) - Хэв янз сайтай, хэвтрийн дэвсгэр бэлдүүлэв. Ч.Алтангэрэл. Монгол зохиолчдын төвөдөөр бичсэн бүтээл., хэв шинж [хоршоо] (нэгэн төрлийн ижил төстэй шинж чанартай бүлэг зүйлс), хэв шинжит дүр (нийгэмд эзэлж буй хүмүүсийн аж амьдрал, тэмцэл, тэдгээрийн ангийн ялгаа, байр суурийн онцлогийг урлаг, уран зохиолд тусгасан нийтлэг дүр), хөрсний хэв шинж (газрын хөрсний тогтоц байдал), хэв жигд бол бичиг сайхан, хэл нь цэгц бол яриа сайхан [зүйр цэцэн үг] (үгээ оновчтой сонгож зөв сайхан ярьж сур гэсэн санаа).