ТЭГШЛЭХ  

1. Газрын хөрс зэрэг хотгор гүдгэр зүйлийг тэгш болгох - дэлгэрэнгүй...Хад чулуу цухуйсан хатуу хөрсийг нь зөөллөж тэгшлэх санаатай байтал асгасан шороо маань морины хөлд тарав. Д.Мягмар. Уянгын туужууд., газар тэгшлэх (газар тэгш болгох) - Өвгөн уцаарлан дуугарсангүй, тарианыхаа газрыг хүрзээр тэгшилж байв. Ш.Нацагдорж. Мандхай цэцэн хатан., *газартай тэгшлэх (үнсэн товрог болгох, юу ч үгүй болтол нь эвдэн сүйтгэх) - Би бол ч үүнийг нь далимдуулж энэ муусайн лам нарыг бүгдийг аваачиж дөнгөчхөөд, энэ муу дуган шүү юмыг нь газартай тэгшлээд хаячихсан. Ц.Цэдэнжав. Ерөө голын охин;

---

2. Мурий тахир зүйлийг эгц шулуун болгох - Тэгж дүрэмгүйтэн зүтгэхэд их цасанд тэрэг нь хажуулдаж тэгшилж засна. С.Дашдэндэв. Улаан наран., муруйг нь тэгшлэх (муруйг нь тэгш болгох), өрх тэгшлэх (гэрийн өрх бүтээх) - Орой болж хоолоо идэн гэрээ дулаалан өрхөө тэгшлэн тахилаа хураан тахилын долоон цөгцийг маш сайн арчуулав. Ж.Дамдин. Үймээний жил., гадас тэгшлэх (гадсыг тэгш болгох), алба тэгшлэх [хуучирсан] (адил алба ноогдуулах);

---

3. [шилжсэн] Юмыг эмх журамтай болгох: номоо тэгшилж тавих (номоо эмхэлж цэгцэлж тавих);

---

4. [шилжсэн] Тэнцүүртэй болгох - дэлгэрэнгүй...Айл айлд баян хоосонгүй хөрөнгө тэгшилж өгөөд санд үлдсэнийг авбал улс баяжиж сайхан хот диваажинтай болохгүй болов уу жанжаан? С.Удвал. Их хувь заяа., үнэ тэгшлэх (үнийг адил болгох).

---

• газар тэгшлэх - газар тэгш болгох
• газартай тэгшлэх - үнсэн товрог болгох, юу ч үгүй болтол нь эвдэн сүйтгэх
• муруйг нь тэгшлэх - муруйг нь тэгш болгох
• өрх тэгшлэх - гэрийн өрх бүтээх
• гадас тэгшлэх - гадсыг тэгш болгох
• алба тэгшлэх - адил алба ноогдуулах
• номоо тэгшилж тавих - номоо эмхэлж цэгцэлж тавих
• үнэ тэгшлэх - үнийг адил болгох

Холбогдох зураг одоогоор алга байна.