1. Нэгдмэл захирамжийн зарчмаар юм уу нэг хүний удирдлагаар ажилладаг төрийн захиргааны байгууллага, үйлдвэр албан дэлгэрэнгүй...газрын эрх баригчдын, хууль тогтоомжид заасан эрх хэмжээнийхээ хүрээнд гаргах эрхзүйн баримт: тушаал гаргах (шийдвэр гаргах), тушаал төлөвлөх (шийдвэр төлөвлөх), даргын тушаал (байгууллагын эрх бүхий албан тушаалтнаас хууль, тогтоомжид заасан эрх хэмжээний хүрээнд байгууллагын үйл ажиллагааг хангах зорилгоор батлан гаргасан шийдвэр), захирлын тушаал (захирлын шийдвэр), сайдын тушаал (сайдын шийдвэр), тушаал заавар [хоршоо] (эрх бүхий албан байгууллага, хүний гаргасан захирамж) - Хоол цай хийж байх завсарт нь Бульба тушаал заавраа өгнө. Н.Гоголь. Тарас Бульба., тушаал тогтоол [хоршоо] (эрх бүхий байгууллага, хүний захирамж болон олноороо хэлэлцэж гаргасан шийдвэр), тушаал зарлиг [хоршоо] (эрх бүхий албан байгууллага, хүний шийдвэр) - Та түүнд тушаал зарлиг өгөв үү. Монгол ардын үлгэр., тушаал зэрэг [хоршоо] (а. Албан тушаал, цол хэргэм; б. Байр суурь) - Чиний тушаал зэрэг өчүүхэн тул эрхийг явуулахуйяа бэрх. Гурван улсын үлгэр., тушаал үүрэг (үүрэг хариуцлага) - Өөрийн тушаал үүргийг журмын ёсоор гүйцэтгэсэн. Ж.Верн. Арван таван наст капитан;
2. Зэвсэгт хүчний захирагч, дарга нараас хуульд заасны дагуу амаар өгөх захирамж:
тушаал өгөх (цэргийн ахлах тушаалтан амаар
дэлгэрэнгүй...захирамжлан үүрэг өгөх) - Бэлтгэлийг шалгаж үзсэний дараа Сүхбаатараас гал нээх тушаал өгөв. Д.Гонгор нар. Д.Сүхбаатарын тухай дуртгалууд;
3. Албаны хүний эрх мэдэл, үүрэг:
тушаал дэвших (эрх мэдэл нэмэгдэх, үүрэг хариуцлага нэмэгдэх) -
дэлгэрэнгүй...Тэдний дунд саяхан тушаал дэвшсэн Лувсанпэрэнлэй маань л гэртээ харихаар яарчээ. Л.Түдэв. Нүүдэл., тушаал хүлээх (үүрэг хүлээх), тушаалаас буулгах (эрхэлж байсан албан тушаалаас нь огцруулах, тушаалаас нь чөлөөлөх), тушаалаас нь зайлуулах (албаны эрх үүргээс нь холдуулах) - Бэг-Арслан шударга сайдыг ялимгүй зүйлээр өөтүүлэн насан зүг болов гэж тушаалаас нь зайлуулсан ажээ. Ш.Нацагдорж. Мандхай цэцэн хатан., албан тушаал (албаны үүрэг, үүрэг хариуцлага), албан тушаалаа хэтрүүлэх (өөрийн албаны эрх үүргээ хэтрүүлэх), бага тушаал (эрх мэдэл, үүрэг хариуцлагаар арай бага тушаал), дээд тушаал (эрх мэдэл, үүрэг хариуцлага ихтэй тушаал), удирдах тушаал (удирдан зохион байгуулах тушаал), мяндаг тушаал [хоршоо] (зэрэг дэв, цол хэргэм).
