Нэмэр, тус, дэмжлэг - дэлгэрэнгүй...Зая гэгээн аль байдгаа өгч, эх охин хоёрыг тэжээж байгаа болохоор Итгэлтийн тусламж тэдэнд хэрэггүй байлаа. Ч.Лодойдамба. Тунгалаг Тамир., тусламж авах (туслуулах) - Зөвлөлт орос улсаас тусламж авсан явдал Бароныг Монгол газарт удаан хугацаагаар суух бүх боломжийг нь алдуулсан юм. Ж.Дамдин. Үймээний жил., тусламж гуйх (тус дэмийг нь хүсэх), тусламж үзүүлэх (туслах), тусламжийн бараа (эргэж төлөгдөх болон төлөгдөхгүй болзолтой өөр бусдаас өгсөн мөнгө, хөрөнгө, эд зүйл), сайн санааны тусламж (сайн санааны дэмжлэг), сэтгэл санааны тусламж (сэтгэл санааны дэмжлэг), сэтгэл харамгүй тусламж (чин сэтгэлийн өгөөмөр дэмжлэг), түргэн тусламж (гэнэтийн өвчин, осол зэрэгт даруй үзүүлэх эмнэлгийн үйлчилгээ), бодитой тусламж (эд хөрөнгөний биет тусламж), эмнэлгийн тусламж (эмнэлгийн үйлчилгээ), тусламж дэмжлэг [хоршоо] (тус дэм үзүүлэх явдал), зээл тусламж [хоршоо] (эргэн төлөгдөх нөхцөл болон буцалтгүй тусламжаар олгогдох мөнгөн дэмжлэг, эд зүйл), хандив тусламж [хоршоо] (сайн санаагаар үзүүлж буй эд мөнгө болоод сэтгэл санааны тус).