ТУЛГАРАХ  

1. Гэнэт таарах, мөргөлдөх, тулах, тулж очих, тулгардах -дэлгэрэнгүй... Оройн жавар сөрөн цаст хөндийг туулж хэсэг ойн зах руу ортол гэнэт дайсны их хүчтэй тулгарав. Ч.Алагсай. Алтайн зам., нүүр тулгарах (биеэр учрах, таарах), тулгарч мэгдэх (гэнэт нүүр тулсандаа сандрах), харц тулгарах (харц мөргөлдөх) - Тэгээд босож Долгорын хойноос цонхоор харахад, бүсгүй яг эргэж харан, тэдний харц тулгаран тогтов. С.Лочин. Газрын дуун., замд тулгарах (замд гэнэт дайралдах), тулгаран эргэх (тулж ирээд буцах), аюул тулгарах (аюул учрах) - Нөгөөтээгүүр эцэж цуцсан морьтой улс хол аялж халх нутгийн гүнд орж ар талаасаа алс тасарвал ямар ч аюул тулгарч болзошгүй тул Бошигт ханы хойноос нэхэж зүрхэлсэнгүй. Б.Догмид. Хөх тэнгэрийн зарлиг;

---

2. Шахуу хүнд үүрэг, зорилт ирэх - Энэ жилийн хадланг авч дуусаад гэртээ иртэл өвөлжөө барих ажил надад тулгарлаа. Ж.Дамдин. Үймээний жил., үүрэг хариуцлага тулгарах (үүрэг хариуцлага тулж ирэх) - Улс ардын соёл боловсрол уран сайхны ажил хэргийг мөн өөрсдийн гар биеэр, өөрсдийн ашиг тусын тулд эзэмшин хөгжүүлэх үүрэг хариуцлага тулгаран ирсэн. Ши.Аюуш. Түүвэр зохиол., зорилт тулгарах (зорилт бий болох, зорилт тулж ирэх), сандарч тулгарах (сандарч мэгдэх);

---

3. Үе дутуу мултрах: хуруу тулгарах (хурууны үе дутуу мултрах).

---

• нүүр тулгарах - биеэр учрах, таарах
• тулгарч мэгдэх - гэнэт нүүр тулсандаа сандрах
• харц тулгарах - харц мөргөлдөх
• замд тулгарах - замд гэнэт дайралдах
• тулгаран эргэх - тулж ирээд буцах
• аюул тулгарах - аюул учрах
• үүрэг хариуцлага тулгарах - үүрэг хариуцлага тулж ирэх
• зорилт тулгарах - зорилт бий болох, зорилт тулж ирэх
• сандарч тулгарах - сандарч мэгдэх
• хуруу тулгарах - хурууны үе дутуу мултрах

Холбогдох зураг одоогоор алга байна.