ТОНГОРОХ  

1. Морь мал бухах - Хангал эмнэг адуу тонгорч тонгочин унагадаг. Г.Дүйнхэржав. дэлгэрэнгүй...Арилшгүй мөр;

---

2. Ямар нэг юмны толгой доошлон хөл хэт дээш болон унах, онхолдох: тонгорон ойчих (толгойгоороо унах);

---

3. Учраа бөхийнхөө чээжин биеийг хүчлэн татаж ташаан дээгүүрээ давуулан савж унагаах бөхийн мэх хийх - дэлгэрэнгүй...Тосож аваад тонгорч байдаг, довтолж ирээд золгонгуутаа дотуур дэгээ хийж байдаг. ААЗ., тонгорох мэх (учраа бөхөө ташаан дээгүүрээ ачиж хаях мэх) - Тонгорох мэхээр хүнийг унагаахад маргаан бараг гардаггүй, тонгоруулсан хүн лавтай сайн ойчно. Ж.Дамдин. Монгол бөх., сугадаж тонгорох (учраа бөхийн сугаар нь барьж ташаан дээгүүрээ давуулан унагаах) - Сугадаж тонгорох, лав орсон хүнийг суйлж тонгорох, ташаалдан тонгорох зэрэг мэх байна. Ж.Дамдин. Монгол бөх;

---

4. Аяга, сав мэт юмны амыг доош хандуулж, ёроолыг өөд болгох, хөнтрөх;

---

5. [шилжсэн] Аяга савтай зүйлийг ууж дуусгах: хултай айраг тонгорох (хултай айргийг ууж дуусгах).

---

• тонгорон ойчих - толгойгоороо унах
• тонгорох мэх - учраа бөхөө ташаан дээгүүрээ ачиж хаях мэх
• сугадаж тонгорох - учраа бөхийн сугаар нь барьж ташаан дээгүүрээ давуулан унагаах
• хултай айраг тонгорох - хултай айргийг ууж дуусгах

Холбогдох зураг одоогоор алга байна.