1. Үнэн шударга, бат нотыг амласан андгайлал үг, бичиг - дэлгэрэнгүй...Цаг өөр болсон. Ах чинь Шилийн богд дээр тангараг тавьсан хүн. Гэвч одоо дахиад тийм ажил хийхгүй гэж Хатанбаатарт тангараг өгсөн. Ч.Лодойдамба. Тунгалаг Тамир., тангараг алдах (өгсөн амлалтаа журамлан сахилгүй осолдох), тангараг няцах (өгсөн ам өчгөөсөө няцах), тангараг өргөх ~ тангараг өгөх (а. Бурхан тэнгэрт ам өчгөө өгөх; б. Ямар нэг ажил үйлсийн тухайд албан ёсны баталгаа өгөх) - Одоо тэр баатар чинь ам тангаргаа өгөөд ах дүү бололцсон юм. Халх ардын тууль., цэргийн тангараг өргөх (цэрэг хүн эх орныхоо аюулгүй байдлыг амь насаа хайрлахгүй сахин хамгаалахаа амлах), тангараг тавих (ам өчиг өгөх) - Бошигт хан шархаа ноцох чоно адил догширч Манж хүний мөрийг газар дэлхийгээс арчих тангараг тавьжээ. Б.Догмид. Хөх тэнгэрийн зарлиг., тангараг эвдэх (тангараг няцах), тангаргийн гэрээ (а. Амлаж тогтсон гэрээ; б. [түүх] Монгол Ардын Засгийн Газрын үндсэн хуулийн чанартай анхны чухал баримт бичиг), тангаргийн бичиг (а. Ам өчгөө өгөн баталсан бичиг; б. [түүх] Монгол Ардын Намын найман зүйл бүхий тангараг) - Сороковиковтой уулзаж ярилцсан тухайгаа Сүхбаатар дэлгэрэнгүй ярьж нэвтрүүлээд намын хүмүүсийн дагаж явах тангаргийн бичигтэй болох санал тавьсан. Л.Түдэв. Хувьсгал танаа өчье., ам тангараг [хоршоо] (үйл хэрэг, үг хэлнээсээ буцаж няцахгүй, үнэнч шударга байхаа андгайлсан өчиг), андгай тангараг [хоршоо] (ам тангараг), тангараг барилдлага [хоршоо] (ам өчгөө өгсөн бат холбоо) - Сүүрс алдан сэмээр Та Бу Лингийн зүг тангараг барилдлагат баатар эрдэмт Данзи-д хошигнон өгүүлрүүн. Замлин Сэнчиний намтар оршив., тангараг журам [хоршоо] (ам өчиг, андгайгаар баталсан журам) - Танилцан нөхөрлөсөн тангараг журам тэрсэлж үл чадна. Замлин Сэнчиний намтар оршив., *тангараг тасрах (нэг нэгэнтэйгээ эвлэршгүйгээр муудалцах) - Чухам юунаас болж ингэж тангаргаа тасартал эвдрэхэд хүрэв дээ гэвэл бас л өнөө сонгуулийн үеэр болсон хэрэг. Ц.Цэдэнжав. Хаврын урь., *тангараг нь тонгорог болох (эв түнжингүй байх) - Энэ бэйс, захирагч хоёр тангараг нь тонгорог болсон улс шүү. Ж.Пүрэв. Аянга., *тангаргийн буг мэт (хоосон тангарагладаг, тангарагтаа хүрдэггүй) - Тангаргийн буг мэт хов зөөж амьтны үзлийг буруудуулах хүнийг хилэнцэт нөхөр, шулмын зулзага хэмээжээ. Д.Равжаа. Түүвэр зохиол., тангараг тонгоргоноос хурц, тонгорог хутганаас хурц [зүйр цэцэн үг] (тангараг гэдэг юунаас ч илүү бат бөх байх ёстой гэсэн санаа), тангаргаа эвдвэл тамтаг болох, салаа эвдвэл ёроолд унах [зүйр цэцэн үг] (тангаргаа зөрчвөл хүн чанараа алдах гэсэн санаа);
2. [хуучирсан] Бичиг эрдэмд мэргэшсэн ноёны цол, уран тангараг -
дэлгэрэнгүй...Дээд уран түшмэлд уран тангараг цолыг соёрхоод гурван зуун жаран түшмэдийн охь их ноён болгов. Цагаан дара эхийн тууж.
Ижил үг
